फण्डको सूचीकरण खारेजीको लागि योजना व्यवस्थापकले असोज ३० गतेलाई फण्डको इकाई कारोबारको अन्तिम मिति तोकेको थियो।
असोज ३० गते बिहीबार नेप्सेमा कारोबार भई कायम रहने इकाईधनीले मात्र सो योजनाको प्रतिफल पाउने योजना ब्यवस्थापक एनएमबि क्यापिटलले जनाएको छ।
एनएमबि म्युचुअल फण्ड अन्तर्गत सञ्चालित एनएमबी सुलभ फण्ड १ को साढे ७ करोड इकाई शेयर बजारमा सूचीकृत थियो। सामुहिक लगानी कोष नियमावली २०६७ को नियम ३१ खण्ड क मा भएको व्यवस्था अनुसार योजनाको अवधि समाप्त भएपश्चात खारेजी प्रक्रियामा लगिएको हो।
कम्पनीले उपनियम ६ बमोजिम धितोपत्र बोर्डबाट असोज ६ गते योजना खारेजीमा लैजान अनुमति पाएको थियो। यससँगै नियम ३२ का उपनियम ३ बमोजिम योजना अन्तर्गतको सम्पत्तिलाई नगदमा परिणत गरि इकाईधनीलाई स्वामित्वको आधारमा भुक्तानी दिइने फण्डको व्यवस्थापकले जनाएको छ।
