एनएमबि बैंकको डेढ घण्टामा ६ करोडभन्दा बढीको कारोबार

Nov 07, 2019 12:27 PM Merolagani

ओम डेभलपमेन्ट बैंकसंग मर्जर गरेर एकीकृत कारोबार सुरु भएको डेढ महिनापछि खुलेको एनएमबी बैंकको शेयरमा लगानीकर्ताहरु झुम्मिएका छन् ।

यस दिन कारोबारको करिब डेढ घण्टामा बैंकको ६ करोडभन्दा बढीको शेयर कारोबार भएको छ। यो कूल कारोबार रकमको ६० प्रतिशत हो ।

सो अवधिसम्ममा कुल १० करोड बराबरको शेयर खरीद बिक्री भएको छ । ३५१.३२ रुपैयाँ ओपनिङ्ग रेञ्ज पाएको बैंकको शेयरमूल्य भने सो अवधिसम्ममा १०.३२ रुपैयाँ घटेको छ ।

मर्जर प्रक्रियाका कारण लामो समयसम्म शेयर कारोबार गर्न नपाएका ओम डेभलपमेन्ट बैंकका लगानीकर्ताहरु नाफा बुक गर्न शेयर बिक्री गर्न थालेपछि एनएमबिको शेयर कारोबार बढेको एक ब्रोकरले बताए।

लामो समयसम्म कारोबार नभएका कारण लगानीकर्ताहरु बैंकको शेयर खरीद गर्नतर्फ लागेका छन्। मार्केट डेप्थ अनुसार बैंकको शेयरमा खरिदकर्ताको चाप बढी रहेपनि मूल्य घटाएर खरीद गर्ने सक्रिय रहेका छन्।


comments powered by Disqus

गत दुई महिनामा स्वदेशी लगानीमै २८ अर्ब रुपैयाँ बराबरका नयाँ कम्पनी खुले

Sep 20, 2020 06:20 PM

मुलुकले विदेशी लगानीकर्ता भित्र्याउने भनिरहदा स्वदेशी लगानीकर्ताले नै पर्याप्त लगानी गर्न थालेका छन्। वैदेशिक लगानीकर्ताको प्रतिबद्धता भन्दा स्वदेशी लगानीकर्ताको लगानी उत्साहजनक देखिन थालेको छ।