उनीमाथि भारतको सरकारी बैंक पंजाब नेशनल बैंकको २ अर्ब डलर हेरफेर गरेको आरोप छ । उनी अहिले बेलायतको जेलमा छन्।
उनले आफूमाथि जेलमा ३ पटकसम्म आक्रमण भएको बताएको भारतीय सञ्चार माध्यमले जनाएका छन्। मोदीले चौंथो पटक दिएको जमानत अनुरोधबारे फैसला गर्न वेष्टमिनिष्टर म्याजिष्ट्रेट्स अदालतका प्रमुख न्यायाधीश एम्मा आर्बुथनोट समक्ष पेश गरिएको थियो। 
मोदीको आवेदन पाँचौँ पटक खारेज भएको हो। मोदीको जमानत अनुरोध बेलायतको सर्वाेच्च अदालतबाट समेत खारेज भइसकेको छ। उनी ७ महिनादेखि बेलायतको जेलमा रहेका छन्।
भारतको आग्रहमा सुपुर्दर्गीको वारेन्ट जारी भएपछि लण्डन पुलिसले उनलाई १९ मार्चमा पक्राउ गरेको थियो।
भारतमा आफूमाथि निष्पक्ष सुनुवाई नहुने दाबी गर्दै मोदीले आफूलाई भारत सुपुर्दगी गरिएमा आत्महत्या गर्ने धम्की दिएका हुन्। तर जेलबाहिर भए मोदी फरार हुने वा प्रमाण तथा प्रत्यक्षदर्शीहरुलाई प्रभावित बनाउन सक्ने भन्दै प्रमुख न्यायाधीश एम्माले उनको जमानत अस्वीकार गरेकी छिन्।
अब डिसेम्बर ४ मा भिडियोलिंक मार्फत मोदीलाई अदालतमा प्रस्तुत गरिनेछ। सन् २०२० को मे ११ देखि १५ मा मोदीलाई भारत सुपुर्दगी गर्ने नगर्ने बारेमा बहस सुरु हुँदैछ। त्यसअघि उनलाई हिरासतमा नै राखिनेछ।
-एजेन्सी
