बैंकको खुद नाफा गत वर्षको यसै अवधिको तुलनामा १०.७३ प्रतिशतले घटेर ४३ करोड ७२ लाख रुपैयाँमा सीमित भएको छ। गत वर्षको पहिलो त्रैमासमा बैंकले ४८ करोड ९७ लाख रुपैयाँ खुद नाफा कमाएको थियो ।
यस अवधिमा बैंकको वितरण योग्य नाफा (फ्रि प्रोफिट) ३१ करोड ९१ लाख रुपैयाँ छ। राष्ट्र बैंकले तोकेको व्यवस्था अनुरुप बैधानीक जगेडा र नियामकीय जगेडा कोषमा गरि कूल ११ करोड ८० लाख ७९ हजार रुपैयाँ छुट्याउँदा बैंकको वितरणयोग्य मुनाफामा भने कमी आएको हो।
बैंकको निक्षेप संकलन तथा कर्जा परिचालन भने सुधार भएको छ। चालू आर्थिक वर्षको पहिलो त्रैमासमा ९९ अर्ब ७० करोड ७० लाख रुपैयाँ निक्षेप संकलन गरेको बैंकले ९७ अर्ब ९२ करोड ४४ लाख रुपैयाँ कर्जा लगानी गरेको छ। बैंकले गत वर्षको सोही अवधिको तुलनामा १.८२ प्रतिशतले निक्षेप संकलन बढाएको हो भने ७.८० प्रतिशतले कर्जा परिचालन रकम बढाएको छ।
बैंकको निक्षेप संकलन तथा कर्जा लगानी बढेको भएपनि खुद व्याज आम्दानी भने २.५० प्रतिशतले घटेको छ। यस अवधिमा बैंकले एक अर्ब २५ करोड ६४ लाख रुपैयाँ मात्रै खुद व्याज आम्दानी गरेको छ। गत वर्षको यहि अवधिमा बैंकले एक अर्ब २८ करोड ८६ लाख रुपैयाँ खुद व्याज आम्दानी गरेको थियो। बैंकको संचलान आम्दानी समेत घटेको छ।
बैंकले गत आर्थिक वर्षको नाफाबाट शेयरधनीलाई ५ प्रतिशत बोनस वितरण गरेपछि चुक्ता पूँजी ८ अर्ब ४४ करोड ९२ लाख रुपैयाँ पुगेको छ। यस्तै बैंकको जगेडा कोषमा ३ अर्ब ८५ करोड ८० लाख रुपैयाँ र रिटेन्ड अर्निङ्ग एक अर्ब ८७ करोड ५२ लाख रुपैयाँ छ।
बैंकको पूँजी वृद्धि अनुसार नाफा बढाउन नसक्दा बैंकको प्रतिशेयर आम्दानी घटेको छ। समीक्षा अवधिमा प्रतिशेयर आम्दानी २४ रुपैयाँ ३५ पैसाबाट २० रुपैयाँ ७० पैसामा झरेको छ।
बैकले खराब कर्जा अुनपातमा भने सुधार गरेको छ। गत वर्ष ०.२० प्रतिशत रहेको खराब कर्जा अनुपात यस अवधिमा ०.१७ प्रतिशतमा झरेको हो।
बैंकको प्रतिशेयर नेटवर्थ १७२ रुपैयाँ ११ पैसा छ भने मूल्य आम्दानी अनुपात २०.७० गुणा बढी छ। यस्तै बैंकको पूँजी कोष अनुपात १३.६९ प्रतिशत, आधारदर ९.९४ प्रतिशत र कर्जा निक्षेप अनुपात ७८.५८ प्रतिशत रहेको छ।