एनआईसी एशिया बैंकलाई सार्क क्षेत्रको उत्कृष्ट वित्तीय प्रतिवेदन अवार्ड

Dec 02, 2019 04:04 PM Merolagani

एन आई सी एशिया बैंक (NICA) ले उत्कृष्ट वित्तीय प्रतिवेदन अवार्र्ड र सार्क एनिभर्सरी अवार्ड फर कर्पोरेट गभरनेन्स् डिस्क्लोजर्स– सर्टिफिकेट अफ मेरिट प्राप्त गरेको छ। बैंकलाई साउथ एशियन फेडरेशन अफ एकाउन्टेन्टस् (साफा) ले बंगलादेशको ढाकामा आयोजित एक समारोहकाबीच उक्त अवार्डबाट सम्मानित गरेको हो ।

सार्क राष्ट्रहरुकोे लेखा पेशालाई नियमन गर्ने निकायहरुको छाता संगठन साफाले हरेक वर्ष विभिन्न विधामा सर्वोत्कृष्ट वार्षिक प्रतिवेदन तयार गर्ने सार्क राष्ट्रहरुको विभिन्न क्षेत्रका संस्थाहरुलाई सम्मानित गर्दै आइरहेको छ। उक्त अवार्ड बैंकका प्रमुख वित्त अधिकृत रुपेश लुइटेलज्यूले बैंकको तर्फबाट सो अवार्ड ग्रहण गरेका थिए।

सोही क्रममा द इन्स्टिच्युट अफ चार्टर्ड एकाउन्ट्स अफ नेपालबाट सन् २०१८ को उत्कृष्ट वित्तीय प्रतिवेदनको अवार्ड जित्न सफल यस बैंकले सार्क राष्ट्रका बैंक तथा वित्तीय संस्थाहरु मध्येबाट पनि चुनिएर निजी क्षेत्रको बैंकको तर्फबाट मेरिट सर्टिफिकेट प्राप्त गर्न सफल भएको हो।

यस अवार्ड प्राप्त गर्ने वित्तीय संस्थालाई संस्थागत सुशासन, वित्तीय पारदर्शिताको अभ्यास गर्ने जवाफदेही संस्थाको रुपमा लिइन्छ । यस अवार्डले बैंकलाई थप उल्लेखनीय काम गर्ने हौसला मिलेको र बैंकले आगामी दिनमा वित्तीय क्षेत्रमा आफ्नो उत्कृष्ट प्रदर्शन तथा वित्तीय पारदर्शिताको अभ्यास कायम राख्ने प्रतिबद्धता जनाएको छ ।

बैंकले हाल मुलुकभर ३१० शाखा कार्यालयहरु, ३९३ एटिएम, ९२ वटा एक्स्टेन्सन काउण्टर एवं ४३ वटा शाखारहित बैंकिङ्गमार्फत् करिब १९ लाख ग्राहकहरुलाई बैंकिङ्ग सेवा प्रदान गर्दै आइरहेको छ।

बैंकले गत आर्थिक वर्षमा प्रत्यक्ष र अप्रत्यक्ष गरी करिब ३ अर्ब १५ करोड रुपैयाँ भन्दा बढी राजश्व नेपाल सरकारलाई भुक्तानी गरिसकेको छ भने वित्तीय समावेशीकरणका लागि बैंक तथा वित्तीय संस्थाहरुको उपस्थिति न्यून रहेका दुर्गम जिल्लाहरुमा तथा कुनै पनि बैंक तथा वित्तीय संस्थाहरु नपुगेको ३४ भन्दा बढी स्थानीय निकायहरुमा शाखा विस्तार गरी सञ्चालन गर्दै आइरहेको छ।


comments powered by Disqus

कोरोनाबाट थप एक जनाको मृत्यु

May 25, 2020 04:31 PM

सोमबार कोरोना भाइरसबाट थप एक जनाको मृत्यु भएको पुष्टि भएको छ। स्वास्थ्य तथा जनसंख्या मन्त्रालयले नियमित प्रेस ब्रिफिङ्गमा सो जानकारी दिएको हो।