स्वदेशी लघुवित्तको लाभांश पारित, बाेनसपछि २५ प्रतिशत हकप्रद आउने

Dec 02, 2019 06:28 PM merolagani

स्वदेशी लघुवित्त वित्तीय संस्था (SDESI)ले २५ प्रतिशत हकप्रद बिक्री गर्ने भएकाे छ । सोमबार इटहरीमा सम्पन्न पाँचौ वार्षिक साधारण सभाले ३५ प्रतिशत लाभांशसमेत  पारित गरेको छ।

साधारण सभाले गत आर्थिक वर्षको मुनाफाबाट शेयरधनीहरुलाई सञ्चालक समितिले प्रस्ताव गरे अनुसारको कर सहित १५ प्रतिशत नगद लाभांश र २० प्रतिशत बोनस शेयर गरी कूल ३५ प्रतिशत लाभांश वितरण गर्ने प्रस्ताव पारित गरेको हो।

त्यसैगरी सभाले बोनस शेयर वितरणपश्चात कायम हुने चुक्ता पूँजी २७ करोड ६० लाख रुपैयाँको २५ प्रतिशत अर्थात चार बराबर एक शेयरको अनुपातमा हकप्रद शेयर निष्काशन गर्ने निर्णय गरेको छ।

 

साधारण सभाले संस्थापक शेयरधनीहरुको तर्फबाट प्रतिनिधित्व गर्ने ३ जना सञ्चालकहरुमा लालमणि जोशी, सुरेश कुमार अग्रवाल र निशान्त जोगाइलाई  निर्वाचित गरेको छ।

त्यसैगरी लघुवित्तले अन्य कुनै लघुवित्त वित्तीय संस्थासँग मर्जर तथा एक्वीजिसनमा जान सञ्चालक समितिलाई सम्पूर्ण अख्तियारी प्रदान गरेको छ।

बोनस वितरण तथा हकप्रद शेयर निष्काशन पश्चात लघुवित्तकाे पूँजी बृद्धि भइ ३४ करोड ५० लाख रुपैयाँ पुग्नेछ।


comments powered by Disqus

आर्थिक सर्वेक्षणको पूर्ण पाठ हेर्नुहोस्

May 26, 2020 09:04 PM

सरकारले चालु आर्थिक आर्थिक वर्ष २०७६/७७ को आर्थिक सर्वेक्षण सार्वजनिक गरेको छ । संसदमा आर्थिक सर्वेक्षण सार्वजनिक गर्दे अर्थमन्त्री डा. युवराज खतिवडाले चालु वर्षमा आर्थिक वृद्धिदर २.३ प्रतिशत रहने बताएका छन् ।