अन्तरराष्ट्रिय बजारमा मूल्य बढ्दासमेत गत चार महिनायता मूल्य समायोजन नगरेको निगमले आज सो वृद्धि गरेको निगमका कार्यकारी निर्देशक सुरेन्द्रकुमार पौडेलले जानकारी दिए।
उनले दशैँ, तिहार छठलगायत चाडपर्वका अवसरमा अन्तरराष्ट्रिय जगतमा मूल्य वृद्धि भए पनि पुरानै मूल्य कायम गरिएको बताउँदै नयाँ मूल्यदरबाट हाल भारतीय सीमामा प्रतिलिटर २० रुपैयाँ मूल्यान्तर रहेकामा १८ रुपैयाँ मूल्यान्तर हुने जनाए।
सोमबारसम्म पेट्रोलको मूल्य प्रतिलिटर १०७ रुपैयाँ र डिजेल ९५ रुपैयाँ रहेको थियो। सो मूल्य गत साउन २२ गते निर्धारण गरिएको थियो।
