युनाईटेड फाइनान्सको लाभांश बढ्यो

Dec 04, 2019 11:29 AM Merolagani

युनाईटेड फाइनान्स( UFL) शेयरधनीलाई वितरण गर्ने लाभांश बढाएको छ। फाइनान्सले गत आर्थिक वर्षमा अघिल्लो आर्थिक वर्ष वितरण गरेको लाभांशको तुलनामा दोब्बर लाभांश वितरण गर्ने प्रस्ताव गरेको हो।
 

मंसिर १७ गते मंगलबार सम्पन्न फाइनान्स सञ्चालक समितिको २४० औं बैठकले गत आर्थिक वर्ष २०७५/७६ को मुनाफाबाट १०.५२६ प्रतिशत लाभांश प्रस्ताव गरेको हो।

फाइनान्सले शेयरधनीलाई ३ प्रतिशत बोनश शेयर तथा कर सहित ७.५२६ प्रतिशत नगद लाभांश वितरण गर्ने घोषणा गरेको हो।

फाइनान्स  समितिबाट प्रस्तावित उक्त लाभांश राष्ट्र बैंकबाट स्वीकृत भएर फाइनान्सको आगामी साधारण सभाबाट पारित भएपछि मात्र  शेयरधनीलाई वितरण हुनेछ ।

एक अर्ब एक करोड ५ लाख १९ हजार रुपैयाँ चुक्ता पूँजी रहेको फाइनान्सको प्रस्तावित तीन प्रतिशत बोनस पश्चात एक अर्ब ४ करोड ८ लाख ३४ हजार ६४६ रुपैयाँ पूँजी कायम हुनेछ । 

 

गत आर्थिक वर्षका चौंथो त्रैमासमा फाइनान्सले ८८ प्रतिशतले मुनाफामा सुधार गर्दै १३ करोड ३२ लाख रुपैयाँ खुद नाफा आर्जन गरेको थियो। 

अघिल्लो आर्थिक वर्ष २०७४/०७५ मा फाइनान्सले ५.२६ प्रतिशत नगद लाभांश मात्र वितरण गरेको थियो ।


comments powered by Disqus

तत्काल भन्सारको महसुल दर घटाउन सकिँदैन : अर्थमन्त्री

Jan 26, 2020 05:42 PM

सरकारले बढी आय हुने क्षेत्रमा राजश्व उठाउन जोडबल गर्ने भएको छ । अर्थमन्त्री डा युवराज खतिवडाले ७८औँ भन्सार दिवसका अवसरमा राजश्वको लक्ष्य पूरा गर्न अनावश्यक रुपमा सरकार नलाग्ने तर नियम कानूनको कार्यान्वयनमा भने कडा रुपमा प्रस्तुत हुने बताए ।