कालिका लघुवित्तको शेयर कारोबार आजदेखि खुल्ला

Feb 18, 2020 10:15 AM Merolagani

जनसेवी लघुवित्त वित्तीय संस्थासँग मर्जर प्रक्रियाका कारण रोक्का रहेको कालिका लघुवित्त वित्तीय संस्था लिमिटेड (KMCDB) को शेयर कारोबार आज (फागुन ५ गते) देखि खुल्ला हुने भएको छ।

मर्जरपश्चात गत पुस २३ गतेदेखि एकीकृत कारोबार शुरु गरेको यस लघुवित्तको शेयर कारोबार ९ महिनापछि सुचारु हुन लागेको हो। कालिका र जनसेवी लघुवित्तले गत जेठ ५ गते एक आपसमा गाभ्ने गाभिने सम्झौता गरेसँगै दोस्रो बजारमा कालिकाको शेयर कारोबार रोक्का भएको थियो।

कालिका लघुवित्त र जनसेवी लघुवित्त एक बराबर एक शेयर स्वाप अनुपातमा एक आपसमा मर्ज भएका हुन्। कारोबार रोक्का हुनअघि कालिकाको शेयरमूल्य दोस्रो बजारमा प्रतिकित्ता ६९९ रुपैयाँमा अन्तिम कारोबार भएको थियो। जनसेवी लघुवित्तले सर्वसाधारणमा शेयर जारी गरेपनि सूचीकृत भएको थिएन।

यसका साथै मर्जर गर्दा कायम हुन आएको १४ करोड ४३ लाख ३०० कित्ता शेयर सूचीकृत भएको छ। जनसेवीको आईपीओमा आवेदन दिई बाँडफाँडमा परेका शेयरधनीहरुले अब कालिका लघुवित्तको नामबाट शेयर कारोबार गर्न सक्नेछन्।


comments powered by Disqus

नेपाल लाइफको ‘कोरोना नियन्त्रण कोष’मा एक करोडको सहयोग

Apr 03, 2020 07:29 PM

नेपाल लाइफ इन्स्योरेन्सले नेपाल सरकारको ‘कारोना भाइरस संक्रमण रोकथाम,नियन्त्रण तथा उपचार कोष’मा एक करोड रुपैयाँ सहयोग गर्ने जनाएको छ ।