ग्रामीण विकास लघुवित्तद्वारा बीमा रकम हस्तान्तरण

Feb 20, 2020 08:38 PM Merolagani

ग्रामीण विकास लघुवित्त वित्तीय संस्थाले असमायीक मृत्यु भएका ३ जना ऋणी सदस्यहरूको परिवारलाई बीमाको क्षतिपूर्ति र किरीया खर्च वापतको रकम हस्तान्तरण गरेको छ । संस्थाले आफ्ना ग्राहक सदस्यको हित संरक्षणका लागि लागु गरेको कर्जाको म्यादि जीबन बीमा कार्यक्रम अन्तर्गत उक्त बीमा क्षतिपूर्ति वापतको रकम हस्तान्तरण गरेको हो ।

इलाका कार्यालय कोहलपुर, वाँकेकी ग्राहक सदस्य स्वर्गीय श्रीमती बिमला भण्डारीको पति रेग्मी प्रसाद भण्डारीलाई संस्थाका प्रमुख कार्यकारी अधिकृत पर्वत कुमार कार्कीले बीमाको क्षतिपूर्ति र किरीया खर्च वापतको २ लाख २ हजार रुपैयाँको चेक हस्तान्तरण गरेका हुन् ।

यस्तै तनहुका स्वर्गीय मोहनी माया थापाको पति भुपाल थापा मगरलाई बीमाको क्षतिपूर्ति र किरीया खर्च वापतको ७६ हजार ५४३ रुपैयाँ इलाका कार्यालय दमौलीबाट हस्तान्तरण गरिएको छ भने काठमाडौं बौद्धका स्वर्गीय साबित्री रोम्भाको छोरा समिर रोम्भालाई ७९ हजार ५०४ रुपैयाँको चेक शाखा कार्यालय जोरपाटीबाट हस्तान्तरण गरिएको लघुवित्त संस्थाले जनाएकाे छ ।


comments powered by Disqus

कोरोना भाइरसबाट अमेरिका सबैभन्दा धेरै प्रभावित, २४ घण्टामा १४८० को मृत्यु, ३२ हजारभन्दा धेरै संक्रमित

Apr 04, 2020 02:35 PM

कोरोना भाइरसको त्रास पूरै दुनियाँमा रहेको छ । विश्वको सबैभन्दा शक्तिशाली देश अमेरिकालाई पनि यसले घुँडा टेक्न बाध्य बनाएको छ । अमेरिकाको स्थिति झन् बिग्रदै गएको छ ।