सुन र चाँदीको भाउ ह्वातै घट्यो, एक सातामै ७ हजारभन्दा धेरैको गिरावट

Mar 17, 2020 11:21 AM Merolagani

सुन र चाँदीको भाउ चैत ४ गते मंगलबार उच्च दरले घटेको छ। यस दिन सुनको भाउ तोलामा २ हजार रुपैयाँले घटेको छ भने चाँदी पनि प्रतितोला ८० रुपैयाँले घटेको छ।

मंगलबार छापावाला सुन प्रतितोला ७५ हजार ५०० रुपैयाँ र तेजाबी सुन प्रतितोला ७५ हजार रुपैयाँमा कारोबार भइरहेको नेपाल सुनचाँदी व्यवसायी महासँघले जनाएको छ।

अघिल्लो दिन सोमबार सुन तोलामा ५०० रुपैयाँले बढेर ७७ हजार ५०० रुपैयाँमा कारोबार भएको थियो।

सुन गत एक सातामा ७ हजार ५०० रुपैयाँले घटिसकेको छ। फागुन २८ गतेदेखि लगातार घटिरहेको सुनको भाउ सो पश्चात तोलामा ७ हजार २०० रुपैयाँले घटेको हो।

यस दिन चाँदी पनि तोलामा ८० रुपैयाँले घटेर प्रतितोला ७१० रुपैयाँमा कारोबार भइरहेको महासँघले जनाएको छ। अघिल्लो दिन सोमबार चाँदी प्रतितोला ७९० रुपैयाँमा खरिद बिक्री भएको थियो।


comments powered by Disqus

आर्थिक सुधारकाे बाटाेमा साना व्यवसायले डाेर्याउन सक्छन्

Sep 22, 2020 08:24 PM

हालैको महिनामा कोरोना महामारीको त्रासदी झेलेसँगै बढ्दो संकेतकाे अनुमान गर्न सहज भएको छ। जब हाम्रो ध्यान कोरोना भाइरसले बढ्दै गरेको मृत्यु र आकाशिदै गरेको बेरोजगारीहरुमा थियो, त्यति नै बेला लाखौँ साना उद्यमीहरु अस्तित्व जोगाउन अन्तिम प्रयासमा थिए। यो व्यवसायले करिब आधा अमेरिकीहरुलाई रोजगारी दिन्छ। र एकपटक महामारी कम भयो भने तिनीहरुको रिकभरीमा मद्दत मिल्नेछ।