C6#बुधबार अमेरिकी साथै विश्वभरका अधिकांश शेयर बजारमा बढोत्तरी देखिएको थियो । यसदिन डउ जोन्स २.३९ प्रतिशतको बढोत्तरीका साथ २१ हजार २००.६० को बिन्दुमा पुगेर बन्द भएको थियो ।
बुधबारको सुरुवाती कारोबारमा अमेरिकामा डउ जोन्समा करिब ९ दशकपछि एकदिनको सबैभन्दा ठूलो बढोत्तरी देखिएको थियो ।
उता एसएण्डपी सूचक १.१५ प्रतिशतले बढेर २ हजार ४७५.५६ मा बन्द भएको थियो । यद्यपी अमेरिकाको नास्डाक सूचक भने यसदिन ०.४५ प्रतिशतको गिरावटका साथ ७ हजार ३८४.३० को बिन्दुमा पुगेर बन्द भएको थियो ।
बिहीबार भारतीय शेयर बजार बढोत्तरीका साथ खुलेको छ । यसदिन सेन्सेक्स ५३७ अंक र निफ्टी १३३ अंकले बढेर खुलेको छ ।
योभन्दा पहिले बुधबार बजारमा उच्च बढोत्तरी देखिएको थियो । यसदिन सेन्सेक्स एक हजार ८६१.७५ अंक अर्थात् ६.९८ प्रतिशतको बढोत्तरीका साथ २८ हजार ५३५.७८ बिन्दुमा र ५१६.८० अंक अर्थात् ६.६२ प्रतिशतको बढोत्तरीका साथ ८ हजार ३१७.८५ मा पुगेर बन्द भएको थियो । एजेन्सी