उनका अनुसार शुक्रबार सम्ममा काठमाडौंको राष्ट्रिय जनस्वाथ्य प्रयोगशालामा १२ सय ७७, धरानमा ४९, पोखरामा १९, सुर्खेतमा ७, धनगढीमा ४, हेटौडा र जनकपुरमा ५/५ वटा नमुना संकलन भएको छ । बुटवलमा भने प्रयोगशालाको सामानहरु जडान गर्ने क्रममा रहेको उनले जानकारी गराए ।
नमुना परिक्षणको दायरा दैनिक रुपमा बढ्दै गएको बताउदै पनि उनले दैनिक १०० भन्दा पनि नमुना परिक्षण भैरहेको जानकारी गराए ।
यस्तै मुलुकभर उपत्यकाभित्र १५ र उपत्यका बाहिर ११५ जना गरी १ सय २० जना बिरामी आइसोलेसनमा रहेको मन्त्रालयले जनाएको छ ।
प्रवक्ता देवकोटाका अनुसार कोरोना संक्रिमत ५ जनाको अवस्था सामान्य रहेको र उनीहरुको उपचार भइरहेको छ । संक्रमित ५ जनामध्ये २ जना टेकु अस्पताल, २ जनाको बागलुङ र अर्का १ जनाको धनगढीमा उपचार भइरहेको उनले जानकारी गराए ।
यस्तै पोखरामा कोरोना पोजिटिभ नै पुष्टि नभएको पनि उनले प्रष्ट पारे । सञ्चार माध्यमहरुमा जथाभावी समाचार आएको भन्दै उनले आपत्ति जनाउदै सञ्चार माध्यमहरुलाई सत्यतथ्य समाचार सम्प्रेषण गर्न आग्रह गरे ।