एनएलजी इन्स्योरेन्सको हकप्रद स्थगित

Apr 09, 2020 10:48 AM Merolagani

एनएलजी इन्स्योरेन्स कम्पनी (NLG) को हकप्रद स्थगित भएको छ । कम्पनीले कोरोना भाइरसका करण लगानीकर्ताहरुको हितलाई मध्येनजर गरी परिस्थिति सहज भए पश्चात हकप्रद शेयरको बिक्री खुल्ला गर्ने जनाएको हो ।

कम्पनीले गत फागुन २२ गतेदेखि चैत १२ गतेसम्म ६० प्रतिशत हकप्रद शेयर निष्काशन गरेको थियो । तर ११ गतेदेखि लकडाउन लागु पछि कम्पनीले हकप्रद भर्ने म्याद चैत २७ गते सम्म थपेको थियो । यस अवधिमा पुन लकडाउन बढेपछि कम्पनीले परिस्थिति सहज भए पश्चात आवश्यकता हेरी थप निर्णय गरिने जनाएको हो ।

कम्पनीले १० बराबर ६ अनुपातमा प्रतिशेयर १०० अंकित मूल्यमा कुल ३८ लाख ४२ हजार ४३७.५० कित्ता हकप्रद शेयर निष्काशन विक्री खुला गरेको थियो । हाल कम्पनीको चुक्ता पूँजी ६४ करोड ४ लाख ६ हजार २५० रुपैँया रहेको छ । हकप्रद बाँडफाँट पछि सो पूँजी १ अर्ब २ करोड ४६ लाख ५० हजार रुपैयाँ पुग्नेछ ।

हकप्रद शेयर निष्काशन प्रयोजनको लागि इन्स्योरेन्सले माघ २७ गते बुकक्लोज गरेको थियो ।

इन्स्योरेन्सको धितोपत्र निष्काशन तथा बिक्री प्रबन्धक लक्ष्मी क्यापिटल मार्केट लिमिटेड रहेको छ ।

 


comments powered by Disqus

विदेशमा रहेका नागरिकहरुको उद्दार हुन्छ: प्रधानमन्त्री

May 25, 2020 06:17 PM

प्रधानमन्त्री केपी शर्मा ओलीले विदेशमा रहेका नेपाली नागरिकहरुलाई उद्दार गर्ने बताएका छन् । राष्ट्रका नाममा सम्बोधन गर्दै प्रधानमन्त्री ओलीले विदेशमा रहेका नेपाली नागरिक प्रति सरकार संवेदनशील रहेको बताएका हुन् ।