फरवार्ड माइक्रोफाइनान्सको नाफा ७ प्रतिशतले घट्यो

May 15, 2020 12:55 PM Merolagani

फरवार्ड माइक्राेफाइनान्स (FOWAD) ले चालु आर्थिक वर्षको तेस्रा त्रैमासमा २१ करोड ७६ लाख रुपैयाँ खुद नाफा कमाएको वित्तीय विवरण सार्वजानिक गरेको छ। गत वर्षको यसै अवधिमा २३ करोड ५८ लाख रुपैयाँ खुद नाफा कमाएको यस माइक्रोफाइनान्सको नाफा ७.७४ प्रतिशत घटेको हो।

माइक्रोफाइनान्सको खुद ब्याज आम्दानी र सञ्चालन नाफा घटेसँगै निष्क्रिय कर्जा बढेपछि उसकाे नाफा घटेको हो। माइक्रोफाइनान्सको खुद ब्याज आम्दानी ५९ करोड ८ लाख रुपैयाँबाट घटेर ५६ करोड २१ लख रुपैयाँमा झरेको छ भने सञ्चालन नाफा ३६ करोड ९९ लाख रुपैयाँबाट घटेर ३४ करोड १८ लाख रुपैयाँमा झरेको छ।

समीक्षा अवधिमा माइक्रोफाइनान्सले ५ अर्ब ४३ करोड रुपैयाँ निक्षेप संकलन गरी ११ अर्ब ८२ करोड रुपैयाँ कर्जा लगानी गरेको छ। गत वर्षको यसै अवधिमा माइक्रोफाइनान्सको निक्षेप संकलन ४ अर्ब ३३ करोड र कर्जा लगानी ९ अर्ब ५२ करोड रुपैयाँ रहेको थियो। यस अवधिमा माइक्रोफाइनान्सको खराब कर्जा ०.७६ प्रतिशतबाट बढेर १.०६ प्रतिशत पुगेको छ। 

हाल ५० करोड रुपैयाँ चुक्ता पूँजी रहेको माइक्रोफाइनान्सको जगेडा कोषमा ८९ करोड ७ लाख रुपैयाँ रहेको छ।

वित्तीय विवरण अनुसार माइक्रोफाइनान्सको प्रतिशेयर आम्दानी ५९ रुपैयाँ ९८ पैसा, प्रतिशेयर नेटवर्थ २७८ रुपैयाँ र मुल्य आम्दानी अनुपात ३१.७३ गुणा रहेको छ।

comments powered by Disqus

सामाजिक उत्तरदायित्व कोषको दुई तिहाई भन्दा बढी रकम बागमती प्रदेशमा खर्च

Aug 03, 2021 06:11 PM

संस्थागत सामाजिक उत्तरदायित्व कोषको दुई तिहाईभन्दा बढी रकम बागमती प्रदेशमा खर्च हुने गरेको छ । नेपाल राष्ट्र बैंकले मंगलबार सार्वजनिक गरेको नेपालको बैकिंङ्ग उद्योगमा संस्थागत सामाजिक उत्तरदायित्व विषयक अध्ययनमा यस्तो देखिएको हो ।