ग्रामिण लघुवित्तमा स्वेच्छाचारी सञ्चालक समिति पुनर्गठन भएको भन्दै राष्ट्र बैंकमा उजुरी

Jun 29, 2020 05:41 PM merolagani

ग्रामिण विकास लघुवित्त वित्तीय संस्थामा स्वेच्छचारी ढंगले सञ्चालक समितिको पुर्नगठन गरेको भन्दै नेपाल राष्ट्र बैंकमा उजुरी परेको छ । राष्ट्र बैंकको बैंक तथा वित्तीय संस्था नियमन विभागमा सोमबार उक्त उजुरी परेको हो ।

ग्रामिण विकास लघुवित्तमा साधारणसभा नगरी सर्वसाधारण लगानीकर्ताको प्रतिनिधि सञ्चालकलाई प्रचलित नियम कानुुन र अभ्यास विपरित निष्कासन गरेको एवम् गैरकानुनी,अनधिकृत र स्वेच्छाचारी ढंगले सञ्चालक समितिको पुर्नगठन गरेको भन्दै दुई जना शेयरधनीले राष्ट्र बैंकमा उजुरी हालेका हुन् ।

‘ग्रामिण विकास लघुवित्तमा असार १० गतेदेखि लागु हुने गरी पाँच जना सञ्चालकहरूको पदावधि सकिने भनी केही सञ्चालकहरुले गैरकानुनी, अनधिकृत र स्वेच्छाचारी ढंगले सञ्चालक समितिको पुर्नगठन गरी संस्था नै धरासायी बनाउने नियतले लागेकाले बाध्य भई उक्त कार्य नहोस भनी सद्नियतले नियामक निकायले आवश्यक हप्तक्षेप गरी आगामी साधारणसभा नभएसम्म कानुन सम्मतको साधारणसभाले निर्वाचित गरेको सञ्चालक समितिलाई नै कायम राख्न लगाइयोस भनी निवेदन गर्दछौ,’ राष्ट्र बैंकको नियमन विभागमा पेश गरिएको उजुरी पत्रमा उल्लेख छ ।

सञ्चालक समितिको कार्यकाल चार वर्षको हुने भएपनि कुनै कारणबस साधारणसभा नभएको खण्डमा आगामी साधारणसभा नभएसम्म संस्थाको सञ्चालक समिति यथावत रहेन कानुनी व्यवस्था हुँदा हुँदै गैरकानुनी रुपमा हटाइएकोले राष्ट्र बैंकमा उजुरी हाल्न पुगेको नाम सार्वजनिक नगर्ने शर्तमा ती शेयरधनीले बताए ।


comments powered by Disqus

व्यवसायीले कर्जाको दर मात्रै सम्झन्छन्,निक्षेपको दर सम्झन्नन, निक्षेप नभइ कर्जा कहाँबाट मिल्छ?

Jul 04, 2020 01:39 PM

कोभिड –१९ को विश्वव्यापी महामारीका कारण शिथिल भएको नेपाली अर्थतन्त्र क्रमशः लयमा आउन थालेको अर्थमन्त्री डा युवराज खतिवडा बताउन थालेका छन् । महामारीजस्तो विषम परिस्थितिमा अर्थतन्त्रलाई गतिशील तुल्याउनु अर्थमन्त्रीका रुपमा उनका अगाडि उत्तिकै चुनौतीपूर्ण छ