प्रधानमन्त्री तथा मन्त्रिपरिषद् कार्यालयका सचिव महेन्द्र गुरागाईंले मापदण्ड अनुसार १४ दिन होम क्वारेन्टिनमा बस्नेगरी स्थानीय तह र प्रहरीको सिफारिस लिएर आउनेहरुलाई काठमाडौं भित्रिन दिने निर्णय भएको बताएका हुन् ।
उनले भने, 'मन्त्रालयको मापदण्ड अनुसार स्थानीय तह, वडा कार्यालय र प्रहरीको सिफारिस लिएर आएमा होम क्वारेन्टिनमा बस्ने प्रतिवद्धता सहित उपत्यका भित्रिन दिने निर्णय सीसीएमसीले गरेको छ । यो हवाई तथा स्थलमार्गबाट आउने सबैमा लागू हन्छ ।'
यस्तै सीसीएमसीले क्वारेन्टिनहरुमा स्वास्थ्य सामग्री वितरण गर्न मन्त्रालयको अनुमति पनि अनिवार्य गर्ने निर्णय गरेको छ ।संक्रमणको जोखिमलाई मध्यनजर गर्दै यस्तो निर्णय गरिएको उनको भनाई छ । यदि कुनै संख्या वा व्यक्ति आफै जानु परेको स्वास्थ्य मन्त्रालयसंग समन्वय गर्नु पर्ने निर्णय भएको उनले जानकारी गराए ।
विमानस्थलका कर्मचारीहरुलाई स्वास्थ्य सुरक्षाका सामग्रीहरु प्रतिव्यक्ति २ जोरका दरले वितरण गर्ने पनि निर्णय गरेको छ । हवाई उडान र लकडाउनको थप मोडालिटीबारे भने आज सोमबार नै बस्ने बैठकले निर्णय गर्ने पनि उनले जनाकारी गराए ।