मिर्मिरेले गर्यो नागबेलीलाई प्राप्ती गर्ने प्रस्ताव पारित, एक्विजिशनपश्चात ५० प्रतिशत हकप्रद जारी गर्ने

Jul 05, 2020 06:23 PM Merolagani



मिर्मिरे लघुवित्त वित्तीय संस्था लिमिटेड (MMFDB) ले नागबेली लघुवित्त वित्तीय संस्था लिमिटेडलाई प्राप्ती गर्ने प्रस्ताव पारित गरेको छ। लघुवित्तको असार २० गते तिनकुने, काठमाडौंमा आयोजित विशेष साधारण सभाले सो प्रस्ताव पारित गरेको हो।

सभाले १ः०.९५ शेयर स्वाप अनुपात हुने गरी नागबेली (NBBL) लाई प्राप्ती गर्ने प्रस्ताव पारित गरेको हो। मिर्मिरेको चुक्तापूँजी १९ करोड ९१ लाख ६० हजार र नागबेलीको समायोजित चुक्तापूँजी २० करोड ७ लाख १२ हजार गरी चुक्तापूँजी जम्मा ३९ करोड ९८ लाख ७२ हजार हुनेछ ।

सभाले समायोजन पश्चात हुने चुक्तापूँजीको २ः१ अनुपातमा हकप्रद शेयर जारी गर्ने प्रस्ताव समेत पारित गरेको छ।

नागबेली लघुवित्तका १० जिल्लामा हाल ३७ शाखाहरु छन् भने मिर्मिरेका स्वेडा लघुवित्तलाई एक्वायर गरेपछि ६४ शाखा भएकोले नागबेलीसँगको एकिकृत कारोबार पश्चात दुबै लघुवित्तको कार्य क्षेत्र अलग भएकाले शाखा संख्या जम्मा १०१ हुनेछ।

लघुवित्तको बाक्लो उपस्थितिमा समेत छरिएर रहेको पूँजीलाई बचत संकलनमार्फत एकत्रित गर्ने, ग्रामीण समाजमा व्याप्त गरिबीलाई लघुकर्जाको माध्यमबाट स्वरोजगारिताको विकास गरी पर–निर्भरता कम गर्न विविध क्रियाकलाप अगाडि बढाईरहेको यस संस्थाको नागबेलीलाई प्राप्तीपश्चात मेचीदेखि महाकालीसम्म कार्यसञ्जाल पुग्ने, शाखा गाभ्नु नपर्ने, कर्मचारी समायोजनमा समेत सजिलो हुन गई वित्तीय संस्थाको व्यवसायिक विस्तारमा सहज हुने मिर्मिरेका अध्यक्ष टेक बहादुर बोहराले बताए।

लकडाउनमा सुनौलो अवसर, १० हजार पर्ने शेयर तालिम अब मात्र २५०० मा




हाइड्रोपावर समूहबाट निस्कँदै लगानीकर्ता, कुन सेक्टरमा बढाउँदैछन् लगानी ? तथ्यांक यस्तो छ

Jul 05, 2025 05:39 PM

गत हप्ता नेप्से परिसूचकले सेन्चुरी मारेर २७ सय माथि टिक्न सफल भएको छ । नेप्सेले सेन्चुरी मार्दै गर्दा लगानीकर्ता भने हाइड्रोपावरबाट सिफ्ट भएर अन्य क्षेत्रतिर गएको देखिएको छ । हाइड्रोपावरबाट लगानीकर्ता विस्तारै विकास बैंक, फाइनान्स र इन्स्योरेन्स समूहमा सरेको तथ्यांकले देखाएको छ ।