राष्ट्र बैंकले कोभिड १९ को संकटले सिर्जना गरेको अनिश्चितताका विषयमा मौद्रिक नीतिको प्राथमिकता तर्जुमा भइरहेको उल्लेख गरेको छ । महामारीबाट प्रभावित क्षेत्रलाई प्राथमिकतामा आधारमा सहुलियत प्रदान गरी बचाई राख्ने साथै शीघ्र आर्थिक पुनरुत्थानका लागि वित्तीय साधनको उपलब्धता बढाउने दिशामा माैद्रिक नीति केन्द्रित रहने गर्भनरकाे भनाइ छ ।
केन्द्रिय बैंकले नेपाल सरकारको १५औं योजना, वित्तीय क्षेत्र विकास रणनीति, आर्थिक वर्ष २०७७/७८ को नीति तथा कार्यक्रम र बजेट, बैंकको तेस्रो रणनीतिक योजनासँग सामञ्जस्यता कायम गर्ने गरी काम गरिरहेकाे गभर्नर अधिकारीले समितिमा जानकारी गराए ।
साथै, नीतिले आन्तरिक उत्पादन तथा रोजगारी प्रवद्र्धन हुने र उद्यमशीलता विकास हुने क्षेत्रमा वित्तीय स्रोत केन्द्रित गर्न जोड दिने भएको छ । मूल्य तथा बाह्य क्षेत्र स्थायित्वमा जोखिम नआउने गरी वित्तीय सहजीकरण गर्ने दिशामा समिष्टगत विवेकशील नियमनका उपाय अपनाउनु पर्ने अवस्था रहेको उल्लेख गरिएको छ । नीतिले नेपाल सरकारले बजेटमार्फत लिएको आर्थिक वृद्धिको लक्ष्य हासिल गर्न सहयोग पुग्ने गरी मौद्रिक तथा कर्जा व्यवस्थापन गर्ने छ ।
यस्तै गभर्नर अधिकारीले कोरोनाका संक्रमण तथा रोकथामको लागि सरकारले गरेको लकडाउनका कारण तीन महिना यता बैंकिङ प्रणालीमा अधिक तरलता थपिएको बताए । उनले बैंकिङ प्रणालीमा एक खर्ब ६६ अर्ब अधिक तरलता रहेको जानकारी दिए।यस्तै तीन महिनामा निक्षेप एक खर्ब ७२ अर्ब संकलन भएकोमा १६ अर्ब मात्रै कर्जा प्रवाह भएको राष्ट्र बैंककाे तथ्यांक छ ।
यस्तै छलफलमा सहभागि सदस्यहरुले कोभिड १९ पछिको अर्थतन्त्रलाई उकास्ने गरी मौद्रिक नीति ल्याउनु पर्ने सुझाव दिएका छन् । पूर्व प्रधानमन्त्री बाबुराम भट्टराईले आगामी मौद्रिक नीतिले कोरोना पछि पारेको अर्थतन्त्रलाई टेवा पुग्ने गरी ल्याउनु पर्ने बताए । पुर्व अर्थमन्त्री समेत रहेका उनले मौद्रिक नीतिले बढी अपेक्षा भन्दा पनि लक्ष्य निर्धारण गर्नुपर्ने भनाई राखे ।
यस्तै पूर्व अर्थमन्त्री ज्ञानेन्द्रबहादुर कार्कीले कोरोना पछि थिलथिलाे भएको अर्थतन्त्रलाई जोड दिएर मौद्रिक नीति आउनु पर्ने बताए ।
माैद्रिक नीतिकाे प्राथमिकता यस्ता छन् ।
