अघिल्लो वर्षको असार मसान्तसम्ममा इन्स्योरेन्सले २ अर्ब ८६ करोड ७४ लाख रुपैयाँ खुद बीमा शुल्क आर्जन गरेको थियो।
कम्पनीको खुद बीमाशुल्क बढेपनि खुद नाफा भने समीक्षा अवधिमा घटेको छ। अघिल्लो आर्थिक वर्षमा ३१ करोड ३० लाख रुपैयाँ खुद नाफा कमाएको यस कम्पनीले गत आर्थिक वर्षमा २९ करोड ८५ लाख रुपैयाँ खुद नाफा कमाएको छ।
सो अवधिमा कम्पनीले बीमालेख धितोबापत १ अर्ब १९ करोड ६३ लाख रुपैयाँ कर्जा प्रवाह गरेको छ। यसबापत कम्पनीले १० करोड ७८ लाख रुपैयाँ आम्दानी गर्न सफल भएको छ। सो अवधिसम्ममा कम्पनीले लगानी, कर्जा तथा अन्यबाट ९१ करोड २ लाख रुपैयाँ आम्दानी गरेको छ।
चुक्ता पूँजी २ अर्ब २५ करोड ८९ लाख रुपैयाँ रहेको कम्पनीको जगेडा कोषमा ८८ करोड ९८ लाख रुपैयाँ सञ्चित छ। यस्तै जीवन बीमा कोषमा ११ अर्ब ४७ करोड र महाविपत्ती कोषमा १३ करोड ९४ लाख रुपैयाँ सञ्चित छ।
कम्पनीको प्रतिशेयर आम्दानी १३ रुपैयाँ २२ पैसा, प्रतिशेयर नेटवर्थ १४५ रुपैयाँ ५६ पैसा र मूल्य आम्दानी अनुपात ४०.१८ गुणा छ।
हालसम्म कम्पनीले १८ अर्ब ४४ करोड कूल बीमा शुल्क आर्जन गरेको छ। कम्पनीले २ हजार ५४९ दाबी बापत कूल ७० करोड १ लाख रुपैयाँको भुक्तानी गरेको छ भने २८ दाबी बापत ५५ लाख ४२ हजार रुपैयाँ भुक्तानी हुन बाँकी छ। कम्पनीले हालसम्म १७ लाख ८ हजार ७२१ वटा बीमालेख जारी गरेको छ।
