सोमबार जापान बाहिरको एशिया–प्यासिफिक शेयरमा ०.७ प्रतिशतको सुधार देखिएको छ । यसैगरी अस्ट्रेलियाको शेयर सूचक ०.६ प्रतिशतले बढेको छ ।
यसदिन जापानको निक्केई२२५ सूचकमा ०.७ प्रतिशतको बढोत्तरी देखिएको छ । यसैगरी चिनीयाँ ब्लू–चिप इन्डेक्स ०.६ प्रतिशतले बढेको छ ।
अमेरिकी शेयर सूचक एसएण्डपी५०० मा एक प्रतिशतभन्दा धेरैको बढोत्तरी देखिएको छ ।
कोरोना महामारीले विश्व अर्थव्यवस्थालाई नै मन्दीको अवस्थामा धकेलेसँगै लाखौँलाख मानिसहरुले आफ्नो रोजगारी गुमाएका छन् भने कयौँ देशको अर्थव्यवस्था नाजुक अवस्थामा पुगिसकेको छ ।
यद्यपी अक्सफोर्ड यूनिभर्सिटी र एस्ट्राजेनेकाले तयार पारिरहेको कोरोना भ्याक्सिनको परीक्षण पुनः सुचारु भएसँगै शेयर बजारमा मात्र नभई विश्वभरका मानिसहरुमा आशाको किरण जागेको छ । यसको प्रत्यक्ष प्रभाव एशियाली शेयर बजारमा पनि देखिएको हो ।
