Sat, Sep 19, 2026
सरकारले बाढी पहिरोले क्षतिग्रस्त सिन्धुपाल्चोक र बाग्लुङलाई विपत संकटग्रस्त क्षेत्र घोषणा गरेको छ । मन्त्रिपरिषदको हिजो मंगलबार बसेको बैठकले संकटग्रस्त क्षेत्र घोषणा गर्ने निर्णय गरेको हो ।
सरकारले विश्व बैंकबाट प्राप्त हुने करिब ६ अर्ब रुपैयाँ लगानी गरेर त्यस क्षेत्रमा पुनर्निर्माणको काम गर्ने समेत निर्णय गरेको छ । यसको जिम्मा विपत व्यवस्थापन प्राधिकरणलाई दिने सरकारका प्रवक्ता एवं परराष्ट्रमन्त्री प्रदीप ज्ञवालीले जानकारी दिए ।
सरकारले नेपालको पूँजी बजारलाई सुदृढ र पुनरुत्थान गर्न २१ बुँदे कार्ययोजना अघि सारेको छ। प्राथमिक बजारको सुधार, नयाँ वित्तीय उपकरणको विकास, धितोपत्र दलाल व्यवसायको संस्थागत सुधारदेखि संस्थागत लगानीकर्ताको सहभागिता र शेयर कारोबारमा लाग्ने कर व्यवस्थासम्म पुनरावलोकन गर्ने योजना सरकारले अघि सारेको हो।
