बैदेशिक रोजगारीमा जाने घटेपनि बढ्यो रेमिट्यान्स,एक महिनामा भित्रियो ९२ अर्ब

Sep 25, 2020 05:51 PM Merolagani

रोजगारीको लागि विदेश जाने नेपालीहरु घटे पनि विप्रेषण आप्रवाह भने बढेको छ। केन्द्रीय बैंकको तथ्यांक अनुसार गत वर्षको दुई महिनाको तुलनामा विप्रेषण आप्रवाह २३.० प्रतिशतले वृद्धि भई ९२ अर्ब ७१ करोड पुगेको छ । 

अघिल्लो वर्षको सोही अवधिमा विप्रेषण आप्रवाह २.० प्रतिशतले बढेको थियो ।

अमेरिकी डलरमा विप्रेषण आप्रवाह १४.५ प्रतिशतले बढेको छ । अघिल्लो वर्ष यस्तो आप्रवाह ०.७ प्रतिशतले बढेको थियो ।

यस अवधिमा कोरोना भाइरसको कारण नेपालिहरु बैदेशिक रोजगारमा जान पाएका छैनन्। समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ र वैधानिकीकरण) लिने नेपालीको संख्या ९९.२ प्रतिशतले घटेको छ ।

अघिल्लो वर्षको सोही अवधिमा यस्तो संख्या १९.० प्रतिशतले घटेको थियो । वैदेशिक रोजगारीका लागि पुनः श्रम स्वीकृति लिने नेपालीको संख्या समीक्षा अवधिमा ८०.० प्रतिशतले घटेको छ । अघिल्लो वर्षको सोही अवधिमा यस्तो संख्या १.३ प्रतिशतले घटेको थियो ।

समीक्षा अवधिमा खुद ट्रान्सफर आय २०.० प्रतिशतले वृद्धि भई १ खर्ब १ अर्ब ८७ करोड पुगेको छ । अघिल्लो वर्षको सोही अवधिमा यस्तो आय ०.२ प्रतिशतले बढेको थियो ।


comments powered by Disqus

कुमारी बैंकले घोषणा गर्यो लाभांश, नगद र बोनस कति?

Oct 21, 2020 08:26 PM

कुमारी बैंक लिमिटेड (KBL) ले आर्थिक वर्ष २०७६÷७७ का लागी आफ्ना शेयरधनीहरुलाई वितरण गर्ने लाभांश घोषणा गरेको छ ।