विश्व बैंकद्धारा प्रदान उक्त रकम भ्याक्सिन खरिद गर्न, तयार गर्न र कोरोना संक्रमितको उपचारका लागि प्रयोग गरिनेछ ।
विश्व बैंकका कार्यकारी निर्देशकहरुको बोर्ड मिटिङमा यस बारेमा निर्णय गरिएको अन्तर्राष्ट्रिय सञ्चार माध्यमले जनाएका छन् । यसका साथै विश्व बैंकले एकसय करोड मानिसहरुलाई भ्याक्सिन लगाउने अभियानलाई समर्थन गर्ने घोषणा पनि गरेको छ ।
विश्व बैंकका अध्यक्ष डेभिड मलपासका अनुसार, यो फाइनान्सियल कार्यक्रम विश्वका अति आवश्यक देशलाई सहायता प्रदान गर्नका लागि सुरु गरिएको हो । जुन देशसँग कोरोनाबाट बच्नका लागि कम सुविधाहरु उपलब्ध छन्, त्यहाँ भाइरसलाई फैलनबाट रोक्नका लागि यो सहयोगी साबित हुनेछ ।
यसैगरी यसबाट गरिब देशहरुलाई मेडिकल उपकरणहरु खरिद गर्न र स्वास्थ्य सुविधाहरुमा सुधार गर्नका लागि पनि सहायता मिल्नेछ । उनीहरुलाई विशेषज्ञहरुको सल्लाह प्रदान गरिने र नीति गर्नका लागि पनि सहायता प्रदान गरिने मलपासले बताए ।
उनले भने, कोरोनाबाट बच्नका लागि सबै देशहरु समक्ष सर्वसुलभ र प्रभावकारी भ्याक्सिन पुर्याउन जरुरी छ । यसको वितरण प्रणाली बलियो हुनुपर्छ । विश्वका कयौँ देशको अर्थव्यवस्था महामारीका कारण प्रभावित भएको छ । एजेन्सीको सहयोगमा