यस्तै संक्रमण भएर उपचार गराईरहेका एक हजार ८ सय जना आज संक्रमण मुक्त भएर डिस्चार्ज भएको मन्त्रालयका प्रवक्ता जागेश्वर गौतमले जानकारी दिए । आज थपिएका संक्रमितमध्ये एक हजार ७४६ जना काठमाडौं उपत्यकाका छन्, जसमा काठमाडौंका एक हजार ४५१ जना, ललितपुरका १५२ र भक्तपुरका १४३ जना छन् ।
कुल संक्रमितको संख्या १ लाख २९ हजार ३०४ पुगेको छ भने कुल मृतकको संख्या ७२७ पुगेको मन्त्रालयले जनाएको छ । देशभरमा ३८ हजार ७३७ संक्रिय संक्रमित छन् भने ८९ हजार ८४० जनाले कोरोना जितेका छन् । पछिल्लो २४ घटामा देशभरमा १५ हजार ४३८ पीसीआर परिक्षण भएको थियो ।