पछिल्लो २४ घण्टामा ३१६७ जनामा कोरोना संक्रमण, १२ जनाको मृत्यु

Oct 17, 2020 04:39 PM Merolagani

पछिल्लो २४ घण्टामा देशभर तीन हजार १६७ जनामा कोरोना संक्रमण पुष्टी भएको छ । स्वास्थ्य तथा जनसंख्या मन्त्रालयको जानकारी अनुसार कोरोनाका कारण यस अवधिमा १२ जनाले ज्यान गुमाएका छन् ।

यस्तै संक्रमण भएर उपचार गराईरहेका एक हजार ८ सय जना आज संक्रमण मुक्त भएर डिस्चार्ज भएको मन्त्रालयका प्रवक्ता जागेश्वर गौतमले जानकारी दिए ।  आज थपिएका संक्रमितमध्ये एक हजार ७४६ जना काठमाडौं उपत्यकाका छन्, जसमा काठमाडौंका एक हजार ४५१ जना, ललितपुरका १५२ र भक्तपुरका १४३ जना छन् ।

कुल संक्रमितको संख्या १ लाख २९ हजार ३०४ पुगेको छ भने कुल मृतकको संख्या ७२७ पुगेको मन्त्रालयले जनाएको छ । देशभरमा ३८ हजार ७३७ संक्रिय संक्रमित छन् भने ८९ हजार ८४० जनाले कोरोना जितेका छन् । पछिल्लो २४ घटामा देशभरमा १५ हजार ४३८ पीसीआर परिक्षण भएको थियो । 


comments powered by Disqus

कुनै कम्पनी छनौट वा लगानी गर्नुभन्दा अघि के कुरामा ध्यान दिने?

Oct 24, 2020 06:11 PM

सबिना बजगाई 

शेयर बजारमा लगानी गर्नुपूर्व लगानीकर्ताहरुले लगानी गर्न लागिएको कम्पनीको विभिन्न पक्षहरु विश्लेषण गरेर कम्पनी छनौट गर्ने गरेका छन् । जसअनुसार कोही लगानीकर्ताले इपिएसमा जोड दिएको, कसैले प्रतिशेयर आम्दानी त कसैले वितरणयोग्य मुनाफा, कसैले संचित मुनाफाका आधारमा लाभांश क्षमता हेर्दै लगानी प्राथमिकीकरण गर्दै आइरहेको पाइएको छ ।