संक्रमण रोक्न, नियन्त्रण गर्न र संक्रमितको उपचारमा सरकारले सम्पूर्ण प्रयास केन्द्रित गरेको गरेको पनि उनले बताए । सरकारले उपचारको दायित्व पुरा गर्न कुनै पनि बहानामा पछि नहट्ने प्रधानमन्त्री ओलीले स्पष्ट पारे ।
लकडाउन गरेदेखि जनतालाई भयभित बनाउने अफवाह छरिएको प्रधानमन्त्री ओलीले बताए । उनले भने,‘सक्रिय संक्रमितको एउटा मात्रै केस हुँदा होस् वा अहिले एकैदिनमा ५ हजारभन्दा बढी सक्रिय केस पहिचान भएको क्षणमा होस्, अफवाहको प्रकृति करिब करिब उस्तै रहेको देखिन्छ ।’
संक्रमितको मृत्युदर ०.६ प्रतिशतभन्दा माथि जान नसकेको भन्दै प्रधानमन्त्री ओलीले संक्रमितको निको हुने क्रम बढेको पनि दावी गरे ।