पछिल्लो २४ घण्टामा कोभिड १९का कारण १२ जनाको मृत्यु भएको छ । हालसम्म देशभरमा ज्यान गुमाउनेको कुल संख्या एक हजार २५९ रहेको छ ।
आज थपिएका संक्रमितमध्ये काठमाडौं उपत्यकाका एक हजार ३८ जना रहेका छन् । ४०३ जना महिला र ६३५ जना पुरुष गरी सो संख्या पुगेको हो ।
यसैगरी गत २४ घण्टामा कोरोना निको हुने तीन हजार ५३८ जना रहेका छन् भने अहिलेसम्म कुल एक लाख ८२ हजार ७८० जनाले कोरोना जितिसकेका छन् । हाल क्वारेनिटनमा ९१० जना छन् ।
स्वास्थ्य तथा जनसंख्या मन्त्रालयको नियमित पत्रकार सम्मेलनमा दिइएको जानकारी अनुसार पछिल्लो एक दिनमा ६ हजार ७३१ पीसीआर परीक्षण भएको छ भने अहिलेसम्म कुल १६ लाख २३ हजार ७५४ परीक्षण भइसकेको छ ।
