बुधबार उपत्यकाका १०३८ जना सहित १४४२ जनामा कोरोना संक्रमण पुष्टि, १२ जनाको मृत्यु

Nov 18, 2020 05:02 PM Merolagani

बुधबार एक हजार ४४२ जनामा कोरोना संक्रमण पुष्टि भएको छ । योसँगै नेपालमा कोरोना संक्रमण पुष्टि हुनेको संख्या दुई लाख १२ हजार ९१७ पुगेको छ । जसमध्ये सक्रिय संक्रमण हुनेहरु २८ हजार ८७८ जना छन् ।

पछिल्लो २४ घण्टामा कोभिड १९का कारण १२ जनाको मृत्यु भएको छ । हालसम्म देशभरमा ज्यान गुमाउनेको कुल संख्या एक हजार २५९ रहेको छ ।

आज थपिएका संक्रमितमध्ये काठमाडौं उपत्यकाका एक हजार ३८ जना रहेका छन् । ४०३ जना महिला र ६३५ जना पुरुष गरी सो संख्या पुगेको हो ।

यसैगरी गत २४ घण्टामा कोरोना निको हुने तीन हजार ५३८ जना रहेका छन् भने अहिलेसम्म कुल एक लाख ८२ हजार ७८० जनाले कोरोना जितिसकेका छन् । हाल क्वारेनिटनमा ९१० जना छन् ।

स्वास्थ्य तथा जनसंख्या मन्त्रालयको नियमित पत्रकार सम्मेलनमा दिइएको जानकारी अनुसार पछिल्लो एक दिनमा ६ हजार ७३१ पीसीआर परीक्षण भएको छ भने अहिलेसम्म कुल १६ लाख २३ हजार ७५४ परीक्षण भइसकेको छ ।

 


comments powered by Disqus

रेकर्ड नै रेकर्ड कायम गरेको साता यी हुन् घटेका उपसमूह

Nov 28, 2020 08:24 AM

यस साता नेपाल स्टक एक्सचेञ्जमा रेकर्ड नै रेकर्ड कायम भएको छ। अल टाइम हाइ अर्थात १८८१.७४ लाई तोडेर नेप्से उकालो लागेपछि नयाँ रेकर्डहरु बनेका हुन्।