चालु आर्थिक वर्षको पहिलो त्रैमासमा बैंकले ९ करोड ६६ लाख रुपैयाँ खुद नाफा कमाएको छ । यो गत वर्षको भन्दा ३९.१८ प्रतिशतले कम हो। गत वर्ष यसै अवधिमा बैंकले १५ करोड ८९ लाख रुपैयाँ खुद नाफा गरेको थियो ।
पहिलो त्रैमासमा बैंकको वितरणयोग्य १२ करोड ९९ लाख ७ हजार रुपैयाँ ऋणात्मक रहेको छ ।
बैंकको खुद ब्याज आम्दानी र सञ्चालन नाफा गिरावट आउदा उसको खुद नाफा पनि घटेको हो । पहिलो त्रैमास बैंकले ४९ करोड ७६ लाख ७५ हजार रुपैयाँ खुद ब्याज आम्दानी गरेको छ। यो गत वर्षको तुलनामा १७.४६ प्रतिशतले कम हो।
बैंकको सञ्चालन नाफा पनि ३८.८२ प्रतिशतले घटेर १३ करोड ८२ लाख ३१ हजार रुपैयाँमा झरेको छ ।
समिक्षा अवधिमा बैंकले ६९ अर्ब ४० करोड रुपैयाँ निक्षेप संकलन गरी ५६ अर्ब ९२ करोड ७८ लाख रुपैयाँ कर्जा लगानी गरेको छ ।
चुक्ता पुँजी ८ अर्ब ३३ लाख ९० हजार रुपैयाँ रहेको बैंकको जगेडा कोषमा १ अर्ब ६६ करोड रुपैयाँ छ ।
बैंकको प्रतिसेयर आम्दानी १ रुपैयाँ ९९ पैसाबाट घटेर १ रुपैयाँ २१ पैसामा झरेको छ भने प्रतिसेयर नेटवर्थ १२९ रुपैयाँ ४१ पैसा र मूल्य आम्दानी अनुपात ३३.९९ गुणा छ।
