आज थपिएका संक्रमितमध्ये काठमाडौं उपत्यकाका एक हजार सात जना छन् । काठमाडौंका ७७९ जना , ललितपुरका १४३ जना र भक्तपुर ८५ जना गरी सो संख्या पुगेको हो ।
पछिल्लो २४ घण्टामा कारोना संक्रमणका कारण १६ जनाको निधन भएको छ । सो संख्यासँगै देशभरमा एक हजार ३३७ जनाले संक्रमणका कारण ज्यान गुमाइसकेका छन् ।
कोभिड १९ संक्रमण तीन हजार ४३ जना निको भएका छन् । यसरी हालसम्म कोभिड १९ मुक्त हुनेको कुल संख्या दुई लाख दुई हजार ६७ रहेको छ ।
गत एक दिनमा १० हजार ३८१ पीसीआर परीक्षण भएको छ भने अहिलेसम्म १६ लाख ७० हजार ४५६ परीक्षण भइसकेको छ । हाल क्वारेन्टिनमा ६२९ जना रहेका छन् ।