सानिमा बैंकको ऋणपत्र बाँडफाँट

Jan 07, 2021 08:28 AM Merolagani

सानिमा बैंक (SANIMA) ले पुस २१ गते ऋणपत्र बाँडफाँट गरेको छ। बैंकले गत पुस १ गतेदेखि १५ गतेसम्म निष्काशन तथा बिक्री खुला गरेको ‘८.५० प्रतिशत सानिमा डिबेञ्चर २०८७’ बाँडफाँट गरेको हो।

सो बाँडफाँटलाई पुस २२ गते बसेको बैंकको सञ्चालक समितिले अनुमोदन पनि गरिसकेको छ। बाँडफाँट सम्बन्धि विवरण आवेदकहरुले मेरोशेयरबाट हेर्न सकिने बैंकले जनाएको छ।

बैंकले वार्षिक ८.५० प्रतिशत ब्याज पाइने ४ अर्ब रुपैयाँ बराबरको ४० लाख कित्ता ऋणपत्र निष्काशन तथा बिक्री खुला गरेको थियो। निष्काशित कुल ऋणपत्रमध्ये २ अर्ब ४० करोड रुपैयाँबराबरको २४ लाख कित्ता ऋणपत्र व्यक्तिगत तवरबाट र १ अर्ब ३० करोड रुपैयाँ बराबरको १६ लाख कित्ता ऋणपत्र सर्वसाधारणका लागि बाँडफाँट गरिएको हो।

१० वर्ष अवधि रहेको सो ऋणपत्रमा बैंकले वार्षिक ८.५ प्रतिशतका दरले प्रत्येक आर्थिक वर्षको प्रथम र द्वितिय अर्धवार्षिक समाप्त भएपश्चात भुक्तानी गर्नेछ।

ऋणपत्रको निष्काशन तथा बिक्री प्रबन्धक एनआईसी एशिया क्यापिटल लिमिटेड रहेको छ।

comments powered by Disqus

राष्ट्र बैंकले २ रुपैयाँका १० करोड थान सिक्का छाप्ने

Mar 04, 2021 06:30 PM

नेपाल राष्ट्र बैंकले २ रुपैयाँका १० करोड थान सिक्का छाप्ने भएको छ । केन्द्रीय बैंकले उक्त सिक्का छाप्नका लागि बिहीबार बेलायतको द रोयल मिन्ट कम्पनीलाई आशयपत्र जारी गरेको छ ।