सो सम्बन्धमा आज नेपाल इन्फ्रास्ट्रक्चर बैंकको केन्द्रीय कार्यालयमा भएको एक कार्यक्रममा बैक र क्यापीटलबीच शेयर रजिष्ट्रार सम्बन्धी सम्झाैता सम्पन्न भएको हाे ।
सम्झौतापत्रमा बैंकको तर्फबाट नायब महाप्रबन्धक विनयनाथ न्यौपाने र क्यापिटलका प्रमुख कार्यकारी अधिकृत पारसमणी ढकालले हस्ताक्षर गरेका हुन् ।
अधिकृत पुँजी ४० अर्ब रुपैयाँ र जारी पुँजी २० अर्ब रुपैयाँ रहेको नेपालको एक मात्र पुर्वाधार बैंकको रुपमा नेपाल राष्ट्र बैंकबाट ईजाजतपत्र प्राप्त उक्त बैंकले हालै मात्र सर्वसाधारण (कर्मचारी र सामुहिक लगानी कोष समेत) को लागि हालसम्मकै ठूलो रकम. ८ अर्ब रूपैयाँको साधारण शेयर निष्कासन गरेको छ ।
माघ २ गतेदेखि खुल्ला भई माघ ६ गते बैंकिङ्ग कारोबार समय पश्चात बन्द भएको यस सार्वजनिक निष्कासनमा सर्वसाधारण लगानीकर्ताहरुको उत्साहप्रद सहभागिता रहेको देखिन्छ भने आइपिओको इतिहासमा सबै भन्दा धेरै आवेदन परेको छ ।
हाल बैंककाे शेयर निष्काशन तथा बिक्री प्रबन्धककाे काम एनआईबिएल एस क्यापटिलले गरिरहेका छन्।