स्वास्थ्य तथा जनसंख्या मन्त्रालयको नियमित विवरण अनुसार आज काठमाडौंका १३४ जना, ललितपुरका ३१ जना र भक्तपुरका ७ जनामा संक्रमण पुष्टि भएको हो ।
यसैगरी यसै अवधिमा देशमा ६ जनाको मृत्यु भएको छ । उक्त संख्यासहित निधन हुने कुल संक्रमितको संख्या दुई हजार १७ पुगेको छ ।
मंगलबार कोरोना भाइरस जित्ने २८५ जना रहेका छन् । यससँगै देशभरमा संक्रमित हुने दुई लाख ७० हजार ९२ जना हुँदा संक्रमण जित्नेको कुल संख्या भने दुई लाख ६४ हजार ८२६ पुगेको छ । मन्त्रालयका अनुसार हालसम्म नेपालमा कुल २० लाख ५२ हजार ६८७ नमुना परिक्षण भइसकेको छ ।
अहिले सक्रिय संक्रमित तीन हजार २५२ जना, क्वारेन्टिनमा १२२ जना र संस्थागत आइसोलेसनमा दुई हजार ५०३ जना रहेका छन् ।
