साधारण सभाले आर्थिक वर्ष २०७५/७६ बाट वितरण गर्न प्रस्ताव गरेको १० प्रतिशतले हुन आउने बोनस शेयर र ०.५२६३ नगद गरी कुल १०.५२६३ प्रतिशत लाभांश प्रस्ताव पारित गर्नेछ ।
साथै कम्पनीको अधिकृत पूँजी, जारी पूँजी तथा चुक्ता पूँजी २ अर्ब १ करोड रुपैयाँलाई वृद्धि गरी २ अर्ब २१ करोड १० लाख रुपैयाँ कायम गर्न प्रस्ताव स्वीकृत समेत गर्नेछ ।
यस्तै सभाबाट सर्वसाधारण शेयरधनीको तर्फबाट एक जना सञ्चालकको चयन गर्ने र संस्थापक शेयरधनीको तर्फबाट नियुक्त सञ्चालकको नियुक्तीलाई अनुमोदन गर्ने तयारी गरेको छ ।
यसै गरी आर्थिक वर्ष २०७५/७६ को वार्षिक प्रतिवेदन, लेखापरीक्षण प्रतिवेदन, लेखापरीक्षक नियुक्ती र पारिश्रमिक निर्धारण तथा सञ्चालक समितिलाई प्रबन्धपत्र तथा नियमावलीमा आवश्यक संसोधन गर्न अख्तियारी दिने प्रस्ताव पनि पारित गर्नेछ ।
साधारण सभा प्रयोजनको लागि कम्पनीले फागुन ७ गते देखि बुक क्लोज गर्ने जनाएको छ । त्यस अनुसार फागुन ६ गतेसम्म कायम शेयरधनीहरु मात्रै लाभांश पाउनेछन् ।