शुक्रबार सुनको भाउ ओरालो लाग्दा चाँदी भने बढ्यो

Feb 12, 2021 11:47 AM Merolagani

सुनको भाउ लगातार दोश्रो दिन पनि ओरालो लागेको छ। माघ ३० गते, शुक्रबार सुनको भाउ तोलामा ६०० रुपैयाँले गिरावट भएको छ।

यस दिन छापावाला सुन प्रतितोला ९० हजार ९०० रुपैयाँमा र तेजाबी सुन प्रतितोला ९० हजार ४०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

बिहीबार सुन तोलामा ४०० रुपैयाँले घटेर प्रतितोला ९१ हजार ५०० रुपैयाँमा खरिदबिक्री भएको थियो।

सुनको मूल्य घटेतापनि शुक्रबार चाँदीको मूल्य भने वृद्धि भएको छ। यस दिन चाँदी तोलामा पाँच रुपैयाँले बढेर प्रतितोला एक हजार ३२० रुपैयाँमा किनबेच हुँदैछ।

बिहीबार भने चाँदीको भाउमा गिरावट देखिएको थियो। सो दिन चाँदी प्रतितोला २५ रुपैयाँले गिरावट भएर एक हजार ३१५ रुपैयाँमा कारोबार भएको थियो।

comments powered by Disqus

नक्साल भगवती स्थानमा ट्राफिक संकेत बत्ती जडान गर्न कुमारी बैंकको सहयोग

Jul 30, 2021 04:44 PM

कुमारी बैंकले महानगरीय ट्राफिक प्रहरीको समन्वयमा काठमाडौं महानगरपालिका वडा नं १, नक्साल भगवती मन्दिर चोकमा जडान गर्न ट्राफिक संकेत बत्ती प्रहरी महाशाखालाई हस्तान्तरण गरेको छ। बैंकले आफ्नो संस्थागत सामाजिक उत्तरदायित्व अन्तर्गत उक्त ट्राफिक संकेत बत्ती जडान गर्न सहयोग गरेको हो ।