मन्त्रालयले संक्रमण बढ्न राेक्नका लागि सभा, जुलुस, र्याली, भेला, जमघट, गोष्ठी, सेमिनार, बैठक तथा भीडभाड हुने व्यवसाय र कार्य नगर्न आग्रह गरेको छ ।
यसैगरी मन्त्रालयका प्रवक्ता डा. जागेश्वर गौतमले सामाजिक वा भौतिक दुरी, मास्कको अनिवार्य प्रयोग गर्न र साबुन पानीले हात धुने वा सेनिटाईजरको प्रयोग गर्ने लगायतका स्वास्थ्य मापदण्डहरु पालना गर्न अनुरोध गरेका छन् ।
आइतबार देशभरमा ७७ जना कोरोना संक्रमित थपिएका छन् भने १०६ जना कोरोना मुक्त भएका छन् । यस दिन कुनै संक्रमितको मृत्यु दर्ता गरिएको छैन ।