बैंकले सस्तोडिल, ग्यापु, रिचार्जर, इन्फि स्टोर र खानपिनबाट दैनिक अत्यावश्यक सामग्रीहरू खरिद गर्दा नगद फिर्ता प्राप्त गर्न सकिने व्यवस्था गरेको छ । नेपालमा कोरोना भाइरसले सिर्जित असहज परिस्थितिका बेला ग्राहकहरूलाई किनमेल गर्न अझ सहज पार्ने उद्देश्यअनुरुप बैंकले डिजिटल कारोबारमा ग्राहकहरूलाई प्रोत्साहन गर्नका निमित्त ई–कमर्श कम्पनीहरूबाट सामग्री खरिद गर्दा आकर्षक नगद फिर्ताको व्यवस्था गरेको हो ।
यसका लागि ग्राहकहरूले बैंकको कार्डमार्फत ई–कमर्श तथा एइक् भुक्तानी एवं मोबाइल बैंकिङ्ग प्रयोगकर्ताहरूले क्यू आर भुक्तानी गरी यस योजनामा सहभागी हुन सक्नेछन् । साथै, आफ्नो कार्डमा ई–कमर्श भुक्तानी सुविधा नलिएका डेबिट तथा क्रेडिट कार्ड प्रयोगकर्ताहरूले बैंकको वेबसाइट तथा मोबाइल बैंकिङ्ग एपमा रहेको आइसर्भ मार्फत सहज रुपमा आफ्नो कार्डमा ई–कमर्श सुचारु गर्न सकिनेछ।