चालु आर्थिक वर्षको तेस्रो त्रैमाससम्ममा सिद्धार्थ इन्स्योरेन्सले १७ करोड ७४ हजार रुपैयाँ खुद नाफा कमाएको छ । यो गत आर्थिक वर्षको यहि अवधिको तुलनामा ६.०७ प्रतिशतले बढी हो ।
गत आर्थिक वर्षको यही अवधिमा कम्पनीले १६ करोड ३ लाख रुपैयाँ खुद नाफा आर्जन गरेको थियो ।
यस अवधिमा कम्पनीको खुद बीमाशुल्क पनि २१.२७ प्रतिशतले बढेर ७४ करोड १७ लाख रुपैयाँ पुगेको छ । गत आर्थिक वर्षको चैत मसान्तसम्ममा कम्पनीले ६१ करोड १६ लाख रुपैयाँ खुद बीमाशुल्क आर्जन गरेको थियो ।
चुक्ता पूँजी १ अर्ब रुपैयाँ रहेको कम्पनीको जगेडा कोषमा ३९ करोड ३२ लाख, बीमा कोषमा ९२ करोड २९ लाख र महाविपत्ती कोषमा ६ करोड ७८ लाख रुपैयाँ सञ्चित छ ।
यस अवधिसम्ममा कम्पनीको प्रतिशेयर आम्दानी २२ रुपैयाँ ६८ पैसा, प्रतिशेयर नेटवर्थ २३८ रुपैयाँ ४१ पैसा र मूल्य आम्दानी अनुपात ५५.५६ गुणा रहेको छ ।
चालु आर्थिक वर्षको यस अवधि सम्ममा कम्पनीले १ लाख ५० हजार ३५६ वटा बीमालेख बिक्री गरी १ अर्ब ८३ करोड ८२ लाख रुपैयाँ कुल बीमाशुल्क आर्जन गरेको छ ।
त्यस अवधिमा कम्पनीले ७ हजार ८४५ वटा दाबी वापत ९५ करोड ३१ लाख रुपैयाँ भुक्तानी गरेको छ ।
