यस दिन नेप्से सूचक १२.३६ अंकले घटेर २६५२.७५ विन्दुमा झरेको छ भने सेन्सेटिभ सूचक पनि २.६९ अंकले घटेर ४७५.१२ विन्दुमा झरेको छ।
यस दिन कारोबार रकम भने अघिल्लो दिनको तुलनामा बढेको देखिएको छ। आइतबार ७ अर्ब २६ करोड रुपैयाँ बराबरको शेयर कारोबार भएकोमा सोमबार ७ अर्ब ५२ करोड रुपैयाँ बराबरको भएको छ। यस दिन २१६ वटा कम्पनीको १ करोड ५९ लाख ८ हजार ४९९ रुपैयाँ कित्ता शेयर ७ अर्ब ५२ करोड ९२ लाख ९० हजार १४६ रुपैयाँमा खरिद बिक्री भएको छ।
- पाँच कम्पनीको शेयर सकारात्मक सर्किट लेभलमा कारोबार
सोमबार सात कम्पनीको शेयर सर्किट लेभलमा कारोबार भएको छ। विशाल बजार कम्पनी, नेशनल माइक्रोफाइनान्स, महिला लघुवित्त, ङादी ग्रुप पावर र सिंगटि हाइड्रोपावरको शेयर ९ प्रतिशतभन्दा धेरैले बढेर कारोबार भएको छ।
सोमबार कारोबारमा आएका ३ वटा उपसमूहमध्ये दुई उपसमूहको सूचक सककारात्मक देखिएका छन भने बाँकी ११ उपसमूहको सूचक नकारात्मक देखिएका छन्।
यता हिमालयन उर्जा विकास कम्पनीको शेयरमूल्य सबैभन्दा धेरै ३.५८ प्रतिशतले घटेको छ भने हिमालयन पावर पार्टनरको ३.५३ प्रतिशत, रसुवागढी हाइड्रोपावरको ३.३४ प्रतिशत, जानकी फाइनान्सको ३.२७ प्रतिशत र सिन्धु विकास बैंकको २.७२ प्रतिशतले घटेको छ।
सोमबार अपि पावरको सबैभन्दा धेरै ३९ करोड ३५ लाख रुपैयाँ बराबरको शेयर कारोबार भएको छ भने नेपाल पुर्नविमा कम्पनीको २९ करोड ग्रामिण विकास लघुवित्तको २८ करोड, हिमालयन डिस्टिलरीको २७ करोड र एनसिसि बैंकको २३ करोड रुपैयाँ बराबरको शेयर कारोबार भएको छ।
यस दिन कारोबारमा आएका कम्पनीहरुमध्ये ११३ वटा कम्पनीको शेयरमूल्य घटेको छ भने ६३ वटा कम्पनीको शेयरमूल्य बढेको छ।
