योसँगै विगत केही दिनदेखि कोरोना भाइरस संक्रमित भन्दा निको हुने दर धेरै हुँदै गएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ६९५१ जना संक्रमण मुक्त भएका छन् भने ४४७२ जना नयाँ संक्रमित थपिएका छन् ।
मन्त्रालयका अनुसार पछिल्लो २४ घण्टामा एन्टिजेन विधिबाट ५ हजार ९०१ जनाको परीक्षण गर्दा ११०२ जनामा संक्रमण पुष्टि भएको छ भने पीसीआर विधिबाट १२ हजार २ जनाको परीक्षण गर्दा ३ हजार ३७० जनामा संक्रमण पुष्टि भएको छ। बितेको २४ घण्टामा जम्मा १७ हजार ९०३ जनाको परीक्षण भएको थियो ।
सोमबार कोरोना संक्रमणबाट थप ९२ जनाको मृत्यु भएको मन्त्रालयले जनाएको छ ।
योसँगै नेपालमा हालसम्म कोरोनाबाट ७ हजार ९९० जनाको मृत्यु भएको छ भने ५ लाख ९१ हजार ४९४ कोरोना संक्रमित पुगेको छ । हालसम्म कोरोना निको हुनेको कुल संख्या ४ लाख ९७ हजार ९६० पुगेको छ ।