नेशनल हाइड्रोपावरका अध्यक्ष कुमार पाण्डेका अनुसार आयोजनाको पावर हाउस, बाँध, सुरुङ्ग लगायतमा संरचनामा खासै ठूलो क्षति पुर्याएको छैन तर आयोजनाको ३/४ वटा प्रशारणलाइन भने बगाएको छ।
"हामी एनालाइसिस गर्दै छौ, हाम्रो संरचनामा भने धेरै ठुलो असर परेको छैन। " उनले भने "इन्द्रावती खोला मेलम्चीमा मिसिए सकेपछि ३/४ वटा टावर बगाएको भन्ने रिपोट आएको छ। त्यो भनेको धेरै ठूलाे खर्च भने होइन।"
प्रोजेक्टमा चलाउन नसक्नेगरी असर परेको छैन तर टावर बगाएकोले केही प्रभाविेत भएको उनले बताए।
यस्तै बाढीले मेलम्ची खानेपानी आयोजनाका कामदारहरु बस्ने क्याम्प समेत बगाएको छ । केही कामदार सम्पर्कहीन रहेकाे बताइएकाे छ । त्यहाँ नेपाली सेना, प्रहरी, शसस्त्र प्रहरी र स्थानीयहरूकाे पहलमा उद्दार र खाेजी कार्य जारी छ ।
बाढीका कारण सिन्धुपाल्चाेकमा ७ जनाभन्दा धेरैको मुत्यु भइसकेको छ।