६ महिनाभित्र पूर्णरुपमा एमडिएमएस लागु गर्ने प्राधिकरणको तयारी, मुख्य काम अझै बाँकी

Jul 19, 2021 12:04 PM merolagani

साउन एक गतेबाट आंशिक लागु भएको मोबाइल डिभाइस म्यानेजमेन्ट सिस्टम (एमडिएमएस) आगामी छ महिना भित्र पूर्णरुपमा कार्यान्वयनमा आउने भएको छ ।

पहिलो चरणमा अवैध मोबाइल आयातलाई रोक्नेगरी कार्यान्वयनमा आएको यो प्रणाली मंसिरभित्र देशमा सञ्चालित अवैध र वैध मोबाइलको नियमन गर्ने गरी काम अघि बढेको दूरसञ्चार प्राधिकरणले जनाएको छ ।

साउन १ देखि लागु भएको एमडिएमएसले मोबाइल व्यवसायी उत्साहित भएका छन भने नेपाल भित्रने सबै प्रकारका मोबाइल सेट नियमनको दायरामा आउने भएका छन् ।

प्राधिकरणका अनुसार साउन यता नेपाल भित्रिएका मोबाइल दर्ता नभए चल्न पाउने छैनन् ।

मोबाइल दर्ता प्रक्रियाको नियमनका लागी सफ्टवेयर जडान र अन्य प्राविधिक काम बाँकी नै रहेकाले ६ महिनाको समय लिइएको प्राधिकरणका प्रवक्ता सन्तोष पौडेलले जनकारी दिए ।

केहिदिन अघि मोबाइल दर्ता नभए नचल्ने अफवाह पनि फैलिएको थियो । उक्त चर्चाका कारण मोबाइल प्रयोगकर्ता प्राधिकरणको इआईआर प्रणालीमा धमाधम मोबाइल आइएमईआई दर्ता गराउन लागेका थिए । प्राधिकरणले एमडिएमएस लागु हुनुभन्दा अघि नेपाल भित्रिएको मोबाइल चल्ने जनाएको छ ।

नेपाल दूरसञ्चार प्राधिकरणका प्रवक्ता पौडेलले एमडीएमएसको लागु साउन १ देखि नै सुरु गरेपनि सिस्टमका लागी आवश्यक पुर्वाधार जुटिनसकेकाले केही समय लाग्ने बताए ।

‘हामीले चरणवद्ध रुपमा यसको लागु गर्दै जानेछौं,’ पौडेलले भने ‘प्राधिकरणकै विनियामावलीले कार्यान्वयन गरेको ६ महिना भित्र लागु गरिसक्नुपर्ने प्रावधान राखेको छ।’ 

६ महिनाको अवधिमा भन्सार, सेवाप्रदायक, दूरसञ्चार र एमडिएमएसमा सिस्टमलाई लिङ्क गर्ने काम पुरा हुने छ भने विदेशबाट आएका मोबाइलहरुलाई पनि दर्ता प्रणालीमा ल्याउने प्राधिकरणको योजना छ ।

हाल एमडिएमएस लागु भएकाे भनेपनि फितलो कार्यान्वयन भएको छ ।

एमडिएमएस लागुपछि प्राधिकरणले मोबाइल व्यवसायीसँग पनि छलफल गरेको थियो । जसमा व्यवसायी ढिलो चाडो भएपनि एमडिएमएस लागु भएको र मोबाइलको व्यापार बढ्ने अपेक्षा रोखको प्राधिरकणका प्रवक्ता पौडेलको भनाई छ ।

नेपाल दूरसञ्चार प्राधिकरणका एक अधिकारीले भने साउनदेखि एमडिएमएस कार्यान्वयनमा आएको औपचारिक घोषणा मात्रै भएको तर, अझै ६० प्रतिशत काम बाँकी नै रहेको जानकारी दिए ।

एमडिएमएस राख्ने ठाउँमा सिस्टम राखिएपनि त्यसलाई निकाय निकायबीच प्रणाली लिङक गनै समय लाग्ने ती अधिकारीको भनाई छ ।

प्रणाली व्यवस्थापनमा ढिलाइ भएपनि नेपालका मोबाइल प्रयोगकर्ता औपचारिक रुपमा नियमन हुने भएका छन् ।

comments powered by Disqus

काम गर्ने नयाँ तरिका सिकाउने पुस्तक ‘वर्क स्मार्टर नट हार्डर’ को सारंश

Aug 04, 2021 06:06 PM

टिमो किअन्डरद्वारा लिखित ‘वर्क स्मार्टर नट हार्डर’ एक पुस्तक हो जसले तपाईको कार्य दिन सुधार गर्ने १८ फरक तरिकाहरु पहिचान गर्दछ। नयाँ कम्प्यूटर सीपहरु सिक्नदेखि आफ्नै काम गर्ने प्याटर्न र रिडम बुझ्ने सम्मका टिप्सहरु यसमा पाउन सकिन्छ। पढ्न सजिलो गाइड जसले जोसुकैलाई पनि आफ्नो उत्पादकता बढाउन सहयोग गर्दछ।