समितिले नेपाल सरकारको आर्थिक वर्ष २०७८/७९ को आय व्ययको सार्वजनिक जानकारी वक्तव्यमा उल्लेख भए अनुसार खाद्य भण्डारण गृह, बाली तथा पशुपन्छी बीमाको बीमाशुल्कमा ५० प्रतिशत मात्रै अनुदानको व्यवस्था गर्न निर्जीवन बीमा कम्पनीहरुलाई निर्देशन दिएको छ ।
त्यस अनुसार साउन एक गते देखि खाद्य भण्डारण गृह,बाली तथा पशुपन्छीको बीमा गर्ने किसान तथा कृषि व्यवसायिहरुले कुल बीमाशुल्कको ५० प्रतिशत मात्रै छुट पाउनेछन् ।
गत आर्थिक वर्ष सम्ममा सरकारले कृषि तथा पशुपन्छी बीमाको बीमाशुल्कमा ७५ प्रतिशत अनुदान प्रदान गर्दै आइरहेको थियो ।
तत्कालीन अर्थमन्त्री विष्णु प्रसाद पौडेलले चालु आर्थिक वर्षको बजेट सर्वजनिक गर्दै कृषि तथा पशुपन्छी बीमामा किसानहरुले पाउदै आइरहेको अनुदान २५ प्रतिशतले घटाएर ५० प्रतिशत मात्रै पाउने घाेषण गरेका थिए ।
