म्यादी बीमा बाहेक बीमाको पहुँच २४.७६ प्रतिशत रहेको छ । यो अघिल्लो आर्थिक वर्षमा २२.६१ प्रतिशत मात्रै रहेको थियो ।
गत आर्थिक वर्षको असार मसान्त सम्ममा जीवन बीमा कम्पनीहरुको बीमाशुल्क २७.१२ प्रतिशतले बढेर १ खर्ब २० अर्ब ९५ करोड रुपैयाँ पुगेको छ । यस्तै निर्जीवन बीमा कम्पनीहरुले पनि ३१ ऋर्ब ७० करोड रुपैयाँ कुल बीमाशुल्क आर्जन गरेका छन् । यो अघिल्लो आर्थिक वर्षको तुलनामा २२.७४ प्रतिशतले धेरै हो ।
गत आर्थिक वर्षमा जीवन तथा निर्जीवन बीमा कम्पनीहरुले कुल १ अर्ब ५२ अर्ब रुपैयाँ बीमाशुल्क आर्जन गरेका छन् ।
साढे एक खर्ब भन्दा बढीको व्यवसाय रहेको बीमा क्षेत्रले मुलुकको कुल ग्राहस्थ उत्पादनमा ३.५८ प्रतिशत मात्रै योगदान रहेको छ ।
अहिले बीमा क्षेत्रमा १० हजार ७५२ जनाले प्रत्यक्ष रोगजारी पाइरहेका छन् भने करिब ४०० जना सर्भेयर र करिब २ लाख ५० हजार जना बीमा अभिकर्ता रहेको बीमा समितिको तथ्यांक छ ।
हाल १९ जीवन बीमा कम्पनीहरुको चुक्ता पूँजी ३८ अर्ब २१ करोड र २० वटा निर्जीवन बीमा कम्पनीको चुक्ता पूँजी १९ अर्ब २८ करोड रुपैयाँ रहेको बीमा समितिकाे तथ्यांक छ ।
