बीमाको पहुँच २७ प्रतिशत पुग्यो,कुल ग्राहस्थ उत्पादनमा बीमा क्षेत्रको योगदान कति ?

Jul 22, 2021 02:20 PM Merolagani

गत आर्थिक वर्षको अन्त्य सम्ममा बीमाको पहुँच २७.०२ प्रतिशत पुगेको छ । बीमा समितिको तथ्यांक अनुसार बैदेशिक रोजगार(म्यादी बीमा) सहित सो बराबरको जनसंख्यामा बीमाको पहुँच विस्तार भएको हो ।

म्यादी बीमा बाहेक बीमाको पहुँच २४.७६ प्रतिशत रहेको छ । यो अघिल्लो आर्थिक वर्षमा २२.६१ प्रतिशत मात्रै रहेको थियो ।

गत आर्थिक वर्षको असार मसान्त सम्ममा जीवन बीमा कम्पनीहरुको बीमाशुल्क २७.१२ प्रतिशतले बढेर १ खर्ब २० अर्ब ९५ करोड रुपैयाँ पुगेको छ । यस्तै निर्जीवन बीमा कम्पनीहरुले पनि ३१ ऋर्ब ७० करोड रुपैयाँ कुल बीमाशुल्क आर्जन गरेका छन् । यो अघिल्लो आर्थिक वर्षको तुलनामा २२.७४ प्रतिशतले धेरै हो ।

गत आर्थिक वर्षमा जीवन तथा निर्जीवन बीमा कम्पनीहरुले कुल १ अर्ब ५२ अर्ब रुपैयाँ बीमाशुल्क आर्जन गरेका छन् ।

साढे एक खर्ब भन्दा बढीको व्यवसाय रहेको बीमा क्षेत्रले मुलुकको कुल ग्राहस्थ उत्पादनमा ३.५८ प्रतिशत मात्रै योगदान रहेको छ ।

अहिले बीमा क्षेत्रमा १० हजार ७५२ जनाले प्रत्यक्ष रोगजारी पाइरहेका छन् भने करिब ४०० जना सर्भेयर र करिब २ लाख ५० हजार जना बीमा अभिकर्ता रहेको बीमा समितिको तथ्यांक छ ।

हाल १९ जीवन बीमा कम्पनीहरुको चुक्ता पूँजी ३८ अर्ब २१ करोड र २० वटा निर्जीवन बीमा कम्पनीको चुक्ता पूँजी १९ अर्ब २८ करोड रुपैयाँ रहेको बीमा समितिकाे तथ्यांक छ ।

comments powered by Disqus

ओलीले ‘बौद्ध’पठाएका कुलमानलाई प्रचण्डले प्राधिकरण ल्याउँदै, कुलमानलाई फुलमाला लगाउनु,हितेन्द्रलाई 'नडाम्नु'

Aug 05, 2021 06:33 PM

पूर्व प्रधानमन्त्री केपी शर्मा ओलीले बौद्ध पठाएका कुलमान घिसिङलाई नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले पुनः नेपाल विद्युत प्राधिकरणको नेतृत्वमा ल्याउने भएका छन् । ओलीले घिसिङको प्राधिकरणमा चार वर्षे कार्यकाल सकिएसँगै उनलाई पुनः नियुक्त नगरी घर ‘बौद्ध’ पठाएका थिए ।