“आजै राष्ट्र बैक जाने हाम्रो योजना थियो। तर अर्थ मन्त्रीले चार बजेको समय दिएपछि पहिले अर्थ मन्त्रीलाई भेट्ने अनि मात्रै राष्ट्र बैक जाने निर्णय भएको छ। राष्ट्र बैक भोलि जाने निर्णय गरेका छौ” आन्दोलनरत लगानीकर्ताहरूको समूह पूँजी बजार सङ्घर्ष समितिका अगुवा दीपेन्द्र अग्रवालले मेरो लगानीसँग भने।
गत भदौ २१ गते मोटर साइकल र्याली गर्दै आन्दोलनको सुरुवात गरेका लगानीकर्ता समूहले २३ गतेदेखि रिले अनसन गरिरहेका छन्। उनीहरूले माइतीघर मण्डलामा रिले अनसनलाई निरन्तरता दिँदै आएका छन्। गभर्नर अधिकारीको राजीनामाको प्रमुख माग सहित अनसनमा बसेका लगानीकर्ताले माग पुरा नभए भदौ ३० देखि आमरण अनसन बस्ने अग्रवालले जानकारी दिए।
मौद्रिक नीतिमा १२ करोडको क्याप लागेपछि लगानीकर्ता असन्तुष्ट छन्। पूँजी बजार विरोधी नीति ल्याएको भन्दै उनीहरूले राजीनामा सहित निर्देशन सच्याउनु पर्ने प्रमुख माग राखेका छन्। रामकृष्ण ढकालको संयोजकत्वमा लगानीकर्ताहरूले पूँजी बजार सङ्घर्ष समिति मार्फत माइतीघरमा आन्दोलन गरिरहेका छन्।
हेर्नुहोस् १८ बुँदे माग
