आन्दोलनरत लगानीकर्तालाई अध्यक्षको लफडा नसकिएसम्म कुर्न बोर्डको आग्रह,लगानीकर्ता उधारोमा सम्झौता नगर्ने भन्दै फर्किए

Sep 13, 2021 05:58 PM merolagani

राष्ट्र बैंकका गभर्नर महाप्रसाद अधिकारीको राजीनामा लगायतको माग गर्दै आन्दोलन गरिरहेका लगानीकर्ता उधारोमा सम्झौता नहुने भन्दै फर्किएका छन्। सोमबार नेपाल धितोपत्र बोर्डसँगको वार्ता पछि आन्दोलनरत लगानीकर्ता उधारोमा सम्झौता नहुने भन्दै फर्किएका हुन्।

सोमबार आन्दोलनरत लगानीकर्तालाईसँग बोर्डका प्रवक्ता नीरज गिरिले वार्ता गरेका थिए। गिरिले  बोर्डमा अहिले अध्यक्ष नभएकोले कुनै पनि निर्णय बोर्ड आँफैले गर्न नसक्ने भएकोले अध्यक्षको नियुक्तिसम्म पर्खन लगानीकर्तालाई अनुरोध गरेका थिए। गिरिको कुरामा सहमति जनाए पनि उधारोमा भने कुनै सम्झौता नगर्ने भन्दै लगानीकर्ता बोर्डबाट बिदा भएका थिए। “आज बोर्डमा निक्कै राम्रो कुराकानी भयो। उहाँले तपाईँहरूका सबै जसो माग जायज छन्। ती मागहरू मध्ये केही माग हामीले नै अग्रसरता लिनु पर्ने खालका छन्। तर यति बेला अध्यक्ष नभएकोले बोर्डले आफै निर्णय गर्ने अवस्था छैन। त्यही भएर केही समय कुरिदिन उहाँले आग्रह गर्नु भयो” बार्तामा सहभागी एक लगानीकर्ताले मेरो लगानीसँग भने।

अर्थमन्त्रीले भने मङ्गलवार मात्रै लगानीकर्तालाई समय दिएका छन्। मङ्गलवार दिउसो दुई बजेको समय पाएका लगानीकर्ताले पहिले अर्थ मन्त्रीलाई भेटेपछि मात्रै गभर्नरलाई भेट्ने जानकारी दिए।  

गत भदौ २१ गते मोटर साइकल र्‍याली गर्दै आन्दोलनको सुरुवात गरेका लगानीकर्ता समूहले २३ गतेदेखि रिले अनसन गरिरहेका छन्। उनीहरूले माइतीघर मण्डलामा रिले अनसनलाई निरन्तरता दिँदै आएका छन्। गभर्नर अधिकारीको राजीनामाको प्रमुख माग सहित अनसनमा बसेका लगानीकर्ताले माग पुरा नभए भदौ ३० देखि आमरण अनसन बस्ने आन्दोलनरत लगानीकर्ताका अगुवा दीपेन्द्र अग्रवालले जानकारी दिए।

 मौद्रिक नीतिमा १२ करोडको क्याप लागेपछि लगानीकर्ता असन्तुष्ट छन्। पूँजी बजार विरोधी नीति ल्याएको भन्दै उनीहरूले राजीनामा सहित निर्देशन सच्याउनु पर्ने प्रमुख माग राखेका छन्।  रामकृष्ण ढकालको संयोजकत्वमा लगानीकर्ताहरूले पूँजी बजार सङ्घर्ष समिति मार्फत माइतीघरमा आन्दोलन गरिरहेका छन्। 

 

 हेर्नुहोस् १८ बुँदे माग

 

 

 


comments powered by Disqus

नेपालमा २०२१ सोरेन्टो हाइब्रिड एसयुभी सार्वजनिक गर्दै किया

Sep 22, 2021 01:58 PM

कियाले नेपालमा आफ्नो ब्रान्डको पहिलो हाइब्रिड एसयुभी सार्वजनिक गर्ने तयारी गरेको छ । कोरियाली अटो निर्माता कियाले २०२१ सोरेन्टो हाइब्रिड एसयुभी नेपालमा सार्वजनिक गर्ने भएको हो ।