नेपाल ल्यूब आयलको मूल्य समायोजन

Sep 21, 2021 08:35 AM Merolagani



असोज ५ गते मंगलबार, नेपाल स्टक एक्सचेञ्ज (नेप्से) ले नेपाल ल्यूब आयल (NLO) को शेयरमूल्य समायोजन गरेको छ। कम्पनीले साधारण सभा प्रयोजनार्थ बुकक्लोज गरेसँगै नेप्सेले मूल्य समायोजन गरी नयाँ मूल्य निर्धारण गरेको हो।

कम्पनीको यस दिन ३० प्रतिशत बोनस शेयर समायोजन भएको हो। यद्यपि, नेप्सेले सूचनामा भने १० प्रतिशत समायोजन गरिएको उल्लेख गरेको छ। सूचनामा १० प्रतिशत लेखिएपनि समायाेजन भने ३० प्रतिशतकाे नै गरिएकाे छ।

समायोजनपश्चात कम्पनीको शेयरमूल्य २४३ रुपैयाँ तोकिएको छ। नेप्सेले अघिल्लो कारोबार दिनको अन्तिम कारोबार मूल्यका आधारमा कम्पनीको शेयरमूल्य समायोजन गरेको हो। अघिल्लो कारोबार दिन अर्थात सोमबार कम्पनीको शेयर प्रतिकित्ता ३१६ रुपैयाँमा अन्तिम कारोबार भएको थियो।

कम्पनीले ३० प्रतिशत बोनस शेयर र ५ प्रतिशत नगद लाभांश गरी कुल ३५ प्रतिशत लाभांश वितरण गर्ने प्रस्ताव पारित गर्न असोज १८ गते साधारण सभा डाकेको छ। सो सभा कम्पनीको कार्यालय, झम्सिखेल, ललितपुरबाट भर्चुअल माध्यमबाट २९ औँ वार्षिक साधारण सभा बोलाएको हो। सोही प्रयोजनार्थ कम्पनीले असोज ५ गतेदेखि १८ गतेसम्म बुकक्लोज गरेको हो।

समायोजित मूल्यका आधारमा मंगलबार कम्पनीको शेयर कारोबार खुल्नेछ।




पूँजीबजार र अर्थतन्त्र सुधार्ने ‘अध्यादेश’: ५० प्रतिशत प्रगति भएका हाइड्रोलाई आईपीओ, ३० दिनमा हकप्रद र कर परीक्षण हदम्याद २ वर्ष

Nov 15, 2026 06:06 AM

सरकारले पूँजीबजार, लगानी प्रवर्द्धन, कर प्रशासन र पूर्वाधार विकासमा देखिएको कानुनी तथा प्रक्रियागत जटिलता अन्त्य गर्न एकैपटक ५९ वटा ऐन संशोधन गर्ने गरी बृहत् अध्यादेशको प्रारम्भिक मस्यौदा तयार पारेको छ।