यस दिन नेप्से सूचक १३.८३ अंकले बढेर २७१२.०७ विन्दुमा पुगेको छ भने सेन्सेटिभ सूचक पनि २.३६ अंकले बढेको छ। मंगलबार ७ अर्ब ३६ करोड ४७ लाख ९८ हजार ६५१ रुपैयाँ बराबरको १ करोड ५३ लाख ६ हजार ६१ कित्ता शेयर कारोबार भएको छ।
मंगलबार मनकामना स्मार्ट लघुवित्तको शेयरमूल्य सबैभन्दा धेरै ९.९९ प्रतिशतले बढेकाे छ भने रु रु जलविद्युतको ५.७८ प्रतिशत, नेपाल इन्फ्रास्ट्रक्चर बैंकको ४.६६ प्रतिशत, लाइफ इन्स्योरेन्स कर्पोरेशनको ४.२८ प्रतिशत, महुली सामुदायीक लघुवित्तको ३.९९ प्रतिशत र सोल्टी होटलको ३.७३ प्रतिशतले बढेको छ।
यस दिन एक्सेल डेभलपमेन्ट बैंकको शेयरमूल्य सबैभन्दा धेरै ३.४२ प्रतिशतले घटेको छ भने जानकी फाइनान्सको ३.२६ प्रतिशत, माउन्टेन इनर्जी २.९४ प्रतिशत र सपोर्ट माइक्रोफाइनान्सको २.९१ प्रतिशतले घटेको छ।
मंगलबार अरुण भ्याली हाइड्रोपावरको सबैभन्दा धेरै २५ करोड ४४ लाख रुपैयाँ बराबरको शेयर कारोबार भएको छ भने नविल बैंककको २० करोड ५६ लाख, इन्फ्रास्ट्रक्चर बैंकको २० करोड ४६ लाख, हिमालयन डिस्टिलरीको २० करोड १९ लाख र अपि पावरको १८ करोड रुपैयाँ बराबरको शेयर कारोबार भएको छ।
यस दिन कारोबारमा आएका १३ उपसमूहमध्ये ९ उपसमूहको सूचक सकारात्मक देखिएका छन् भने ४ उपसमूहको सूचक नकारात्मक देखिएका छन्। जसमा लगानी उपसमूह र जीवन बीमा उपसमूहको सूचक १ प्रतिशतभन्दा धेरैले बढेको छ।
