२४ घण्टामा थप १,०३० जनामा कोभिड १९ पुष्टि, १,००० जना संक्रमण मुक्त

Oct 04, 2021 07:05 PM Merolagani



पछिल्लो २४ घण्टामा थप एक हजार ३० जनामा कोभिड १९ पुष्टि भएको छ । स्वास्थ्य तथा जनसंख्या मन्त्रालयको नियमित अपडेट अनुसार पाँच हजार ८९३ पीसीआर परीक्षणबाट ८१२ जनामा र चार हजार ९८१ एन्टिजेन परीक्षणबाट २१८ जनामा संक्रमण देखिएको हो ।

सोमबार नेपालमा कोरोना संक्रमणका कारण ज्यान गुमाउने १० जना रहेका छन् । मन्त्रालयका अनुसार २४ घण्टामा एक हजार जना संक्रमणमुक्त भएका छन् ।

आज थपिएका संक्रमितमध्ये काठमाडौंका २६६ जना, ललितपुरका ६२ जना र भक्तपुरका ३८ जना छन् । हाल देशमा सक्रिय संक्रमितको संख्या १६ हजार ६ सय ६ रहेको छ ।




आठ दिनपछि आयाे सुनको मूल्य, कतिमा हुँदैछ कारोबार ?

Jul 11, 2025 11:30 AM

नेपाली बजारमा सुन र चाँदीको मूल्य आठ दिनपछि आएकाे छ । बिहीबार सरकारसँग ६ बुँदे सहमति भएपछि आज शुक्रबार सुनको मूल्य आएकाे हो । सुन चाँदी व्यवसायीहरुले गरेको आन्दोलन कारण गत असार १९ गते बिहीबारदेखि सुनको मूल्य आएको थिएन ।