आज छापावाल सुन प्रतितोला ९० हजार ६०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । यसैगरी तेजाबी सुन पनि ९० हजार १५० रुपैयाँमा खरिदबिक्री भइरहेको महासंघको तथ्यांकमा उल्लेख गरिएको छ । अघिल्लो कारोबार दिन सुन तोलामा १०० रुपैयाँले उकालो लागेर प्रतितोला ९० हजार ७०० रुपैयाँ तोकिएको थियो ।
सोमबार चाँदीको मूल्य भने वृद्धि भएको छ । यस दिन चाँदी तोलामा पाँच रुपैयाँले उकालो लागेर प्रतितोला एक हजार १८० रुपैयाँमा किनबेच हुँदैछ । आइतबार चाँदी पाँच रुपैयाँले नै बढेर प्रतितोला एक हजार १७५ रुपैयाँमा कारोबार भएको थियो ।
