इन्साइडर ट्रेडिंगसँग सम्बन्धित केसहरुको निरिक्षण सेबी एक्सचेन्ज र बजार इन्टरमिडियरीको टिप र सुचनाका आधारमा भइरहेको छ । शंकाका आधारमा कारोबार प्याटर्न बनाइने गरिन्थ्याे तर अब भने कल डाटा रेकर्ड र सामाजिक संजालका खातामा भएका जानकारीको प्रयोग भइरहेको छ ।
सेबीले कसले, कसलाई, कहिले, कतिपटक फोन गरिहेको छ भन्ने आधारमा केस बनाउन सक्ने भएकाे छ । यसबाहेक शंकास्पद व्यक्तिहरूका सम्बन्ध प्रमाणित गर्नकालागि फेसबुक, ट्वीटर, लिंक्डइन खातामा पनि निरिक्षण गरिने भएको छ । अहिले सेबीले सम्बन्ध पत्ता लगाउनकालागि विशेष किसिमको एल्गोरिदम अर्थात् कम्प्युटर एप्सबाट ठुलो सहयोग प्राप्त गरेको छ ।
इन्साइडर ट्रेडिंग पत्ता लगाउन सेबीको सिस्टमले हरेक दिन दुई करोड कारोबार तथा अन्य डिटेल जाँच गर्ने गर्दछ । यस किसिमको जाँचमा शंकास्पद व्यक्तिका साथै उसका सहयोगी, सहकर्मी र परिवार समेत शंकाकाे घेरामा पर्ने गर्दछन् ।
सेबीको आर्थिक वर्ष २०२१ को वार्षिक रिपोर्टका अनुसार अलर्टबाट शंकास्पद व्यक्तिहरुको लाइब्रेरी तयार गरिने गर्दछ जसबाट नियम पटकपटक मिच्नेहरुलाई कारवाही गर्न सजिलो हुन्छ ।
